周秀娜 (Chrissie) 呢排成日俾人恰,「純熙」由古裝走去現代,今日(21日)上映的邱禮濤警匪動作劇情新片《洩密者們》中,娜姐角色命運坎坷,比「純熙」更苦命。

片中,娜姐和施祖男飾演一對夫妻,施祖男離奇去世後,娜姐就要拎着一件重要物件從馬來西亞着草返港,途中被跟蹤危機四伏,到她在港入住酒店,卻遇上飾演殺手、假扮酒店職員的楊柳青,呢幕戲娜姐就陰功啦,手無搏雞之力的她被楊柳青㩒住打,將她掟落梳化再碌埋落地,成場戲係全天候撻生魚。不過娜姐非常專業,動作俐落,拍攝相當順利。

娜姐說:「戲中我係個時裝設計師,老公過身之後,我要將破案證據送俾相關嘅人,我一向好想試警匪片,因為香港嘅警匪片係好精彩。我嘅角色係要由馬來西亞嚟香港,好擔驚受怕,全程得我一個女人,我自己都緊張到癲咗;至於場動作戲,之前係溝通得好好,所以拍嘅時候好安全、好順利。」反而楊柳青就騰雞得多,她說:「大家都知 Chrissie 好 fit 又輕,我好驚整到佢呀,拍之前大家有溝通,要就吓力度。」


 《洩密者們》周秀娜比楊柳青㩒住打

 https://www.facebook.com/starshk