安采妮同師妹程美段、娜美 出席媒體發佈會

日前藝人安采妮Charlie 同師妹新晉藝人程美段Kiwi、娜美出席由陳達仁舉辦的媒仁創意文化感謝祭發佈會，其他出席嘉賓包括：阿BOB林盛斌、小肥、陳嘉桓、莊思敏、范振鋒等。

安采妮Charlie表示：「跟隨經理人仁哥差唔多兩年喇，期間發生左好多事，有開心既都有唔開心既，一直見証住公司既發展歷程，今日公司能夠同咁多著名既藝人同機構一齊合作，而我亦都可以參與埋一份，好似發左場夢咁樣，而呢個夢，可以話係夢想成真。」

當被問到現在工作進度如何，將來有什麼發展，采妮滿心歡喜答道：「因為公司以做公關活動為主既，每個月平均都有成10幾個活動，通常都會安排我出席同擔任嘉賓，再加上我地本身都有開拍電影，呢一年間已經拍左兩部電影架喇，依家亦都已經籌備緊第3部喇，而最開心既係有一套電影『毛俠』，係宣揚救助流浪動物既意識，亦都係我最鍾意既主題，據我所知，都已經安排左9月份正式係戲院全線上映，而且係拍攝期間可以同幾位知名既前輩合作，獲益良多。最近公司仲加盟左兩位新人，Kiwi程美段同娜美，我地3個既發展方向各有不同，我宜家叫做係人地師姐喇，希望做個好榜樣，同埋希望仁哥同公司發展順利。」