【專訪】獨立電影《休止符·變調》呈現香港indie音樂的精彩與失落

文：Mickey

電影《休止符·變調》是講述香港indie音樂的多樣性和所面對的困難，當中有indie pop、metal、pop rock、J pop等等， 林林總總，各有特色 ，各有辛酸。 電影已經定了五月中於hidden agenda 舉辦電影播放會及音樂會。 將出席的表演嘉賓有小紅帽、逆流、SEESAW、Mr Rockethead、Nowhereboys、3THINK等等。今次我地搵到香港知專設計學院超媒體學生導演陳子銘 (Charlie)和
美術指導王斯灝(Terry)接受訪問。

導演Charlie對電影感想：「休止符係講現實金錢土地問題同時間對夾band 嘅影響，而變調係講band友俾家人鬧。我哋拍呢部戲係想畀香港人知道香港indie好精彩， 好想indie音樂進入社區，例如遲啲我哋會喺社區會堂播放，老人家年輕人都可以聽，亦已經得到各媒體支持，例如在多家餐廳有節目播的LiveTV 會足本播放，我哋都好多謝各電視台、網台、報章、電台、網媒同埋 viu TV 將會來hidden agenda 捧場。」

美術指導 Terry：「 我嘅design比較憂傷，但係係精彩嘅。 我哋嘅演員全部都係 indie band友， 主要係因為佢哋識得提供專業嘅意見，同埋演戲時將做自己嘅感覺做出曬嚟。 他們好專業好有操守， 例如OT好多個小時佢哋都傾力演出， 冇怨言。 佢哋全部都係友情價演出， 但係好專業。 記得有一次喺尖東海旁， 因為運輸問題遲了許多， 他們仍然說要用似樣的amp來拍， 不介意多等候， 就係因為佢哋indie band 嘅直覺才會這樣有專業的要求，令畫面效果好好。 我哋喺度要多謝佢哋以友情價做專業的質素。 我拍呢部戲嘅使命係捍衛廣東歌捍衛本土文化， 將比較另類嘅音樂帶入社區。」

最後Terry 同Charlie 都覺得支持本土音樂要買cd同入場睇live 至係最有效支持本土文化嘅方法。 在此，他們要再三多謝以友情價傾力演出嘅樂隊同埋以行動支持嘅你。

記得五月中hidden agenda見！