一到生日，雖然話咁大個人收到生日咭，都唔會好似細路個陣咁開心（而且當中有啲係保險經紀送來個種，見到都X晒鬼）。不過有時見到一班死黨，花盡心思度好一堆騎呢爛gag寫係入面，收到個陣都咪話唔開心。今次筆者就搵咗12種全球最串嘴嘅生日咭，大家可以參考一下點樣寫呢種爛gag係入面。不過講明先，最好你個朋友好玩得，唔係反面都似。
1.
"每五個人入面，就會有四個人會係生日咭收到錢做生日禮物。"
"生日快樂呀，第五個人 =)"
2.
你睇，我唔駛睇Facebook都記得你生日呀！（呢種真係好朋友）
3.
"性、金錢、權力、尊重"
"你生日唔會有呢四樣野做禮物囉"
4.
"生日快幾呀我嘅大、大、大、大家姐"
"咁你係老過我呀嗎！"
（妹送俾家姐就無問題，但細路送俾家姐，隨時頭都被人擰甩。男人話女人老咗，大忌！）
5.
"一張無錢（或利是）係入面嘅生日咭，點算生日咭呀架？"
"呢張就係囉"
（收到呢張的話我會真心嬲…）
6.
（許願前）"我希望唔好變成個阿伯…"
（願望成真後變女人後）"我X你老…"
