瞓到好晏先起身，去麥記食完早餐就上東門。
係茂業百貨對面有2座大廈開設很多窗簾鋪，今次想訂做窗簾，特意上黎睇下，呢度太多店鋪，睇左好耐，睇到眼花繚亂。
因為我是做窗檯的，只帶了吋沒有CM，為左準確點只有下次再上，這裏比香港很有過年氣氛。
因為行左好耐，過番茂對那邊時見這檔排了很多人，所以都用12元買左件雞翅包飯。
外皮薄薄有小小脆身，裏面包的是普通白米飯，味道淡淡，靠烤的時候擦上醬料調味，味道一般試過就算。
入到東門內見到有阿拉伯烤肉只賣10元，剛才雞包飯占個肚空間很小未飽，又買一件試下。
哥哥仔用刀把烤爐上的肉削下混入生菜及香料，用一片麵皮包起交到我手上，份量很足味道不錯。
又番到東門叮，上次黎過這裏有三層，地下及一樓類似掃街式小攤檔在你面前烹煮以外賣為主很多不同類型食物都有出售。
今次幫襯一樓。
三鮮豆皮，在好奇之下用15元買一份黎試下，它一份3件食左先記得影相 he。
面果層係蛋同麵粉攤成嘅皮，中間是糯米飯，底層鋪滿事先煮好嘅豆乾。
三鮮豆皮很能飽肚的，天冷唔想飲凍飲，再點個蓮藕湯13元，它給我一個驚喜，熱辣辣很濃味的老火湯，飲完可以加湯，仲要無味精添。
二樓就提供座位，三樓設有座位及人流較少，相對地要先購買食物劵和價錢稍貴。
我一向在福田過關，所以又回到福民，無意中見到間轉轉小火鍋幾可愛，入去幫襯下。
它跟回轉壽司一樣，你喜歡甚麼拿甚麼，用竹簽計數，素2元葷3元，湯底每個3元，
可能食左很多東西，所以係食菜多，一頓下來只用了30元，不過食完很口渴啊～
【深圳遊】靠北揾食(3)
