星期三， 我又去逛我最愛的手作市集， 今次是香港大學的HKU 藝墟Art Fair， 自從地鐵打通大學站之後， 由我家來HKU竟然20分鐘就到， 真的快得緊要。
一起追夢一個故事
全市集最型， 最浪漫的一定是Rice 與 Sing 的黑白微縮皮具匙扣. 小背囊， 斜孭袋， 全部也是品牌的微型版本， 拉鏈接位竟然如同真實版一樣， 可以開合。
(相片來源:SIRIHOUSE)
Issey Miyake 這款格仔袋是Rice最新傑作:「其他款色我一日可以做到2-3個， 但這個最花時間， 真係造到手都損晒， 每個格仔都係由4個三角形逐個黐呀。」(仔細得我覺得Miyake先生， 絶對也要訂一個留念)
Sing主力做時裝及1:1的皮革:「微縮好難呀， 造唔到阿Rice咁細緻， 我又無心機， 成日造到一半就交返比佢， 女仔係好心機啲嘅！」(對！！你睇個Celine袋...靚到...)
阿Rice的第一個微縮手作就是白色的Leica相機， 正到不得了， 原來Rice有度身訂造服務， 四日就可以起貨， 不知可不可以為我部a7也造一個微縮皮匙扣呢？
小情侶拍拖三年， Sing愛時裝設計， 而Rice則熱衷手作， 二人決定趁年青， 共同創立一個品牌， 於是年多前， 在新浦崗租下一個細少的工作室， 努力埋手為共同目標打拼。
小情侶表示農曆新年前也非常忙:「要趕好多貨呀！！ 我忙到要係工作室瞓， 但一齊為理想， 辛苦啲都好值得...」
忙還忙， 但Sing每晚仍抽空， 為Rice趕製一份情人節驚喜，「我車緊一條裙送畀佢呀， 希望佢會鍾意我特別為佢造嘅款色。」(弊！！我爆了出來…會不會無驚喜呢？？)
一起尋夢的戀人， 很浪漫的一對年青創作人， 加油！！ 成功在望。
https://www.facebook.com/sirihousehk
一花一草一個故事
Feeling及Selena的押花手作很大自然， 很生命， Feeling說:「我主要做花， Selena就主力做草的創作， 所以我哋一個星期就要去花墟一兩次架啦！！」
哦！原來全部也是真花真草， 難怪產品的真實感及感染力， 吸引到我來蹲下不停研究。
兩位拍檔是中學同學， 三年前重遇， 投契得決定於2002年尾， 合作攪一個品牌造手作。
Feeling更於上年到台灣學習押花三個月， 手飾盒就是她的得意之作，「因為盒面夠大， 掛飾太細， 有時唔係咁表達到當中意思。」
而Selena的小草擺設一樣好玩， 「密封咗嘅樽就唔駛再淋水， 開口嘅款式都係晒吓太陽， 久唔久淋少少水就得， 啲草最多只係會生多幾cm， 好啱Office種架。」
https://www.facebook.com/littlehappinessinhands
一首歌一個故事
全個市集最多笑聲， 最青春， 最有生氣， 一定是三位港大少女合營的小攤位. (可能是主場之利， 不時有熟悉的同學來打氣及支持， 非常人氣， 非常勁！！)
Shel數月前在學校的工作坊， 學懂「滴膠」飾物製作， 不過她說:「市場太多「滴膠」產品喇， 我想突出， 而我又鍾意聽歌， 於是就諗到一首歌一個鏈咀的構思。」
Shel一邊唱著五月天的{星空}「獵戶 天狼 織女 光年外沉默」...一邊說:「我最鍾意E首歌， 好感動。」 這亦是Shel的第一件滴膠， 她說她最愛天藍色. (圖左手)
不過我問她:「你來過 然後你走後 只留下星空」是否她的戀愛故事， Shel又答:「哈哈！！也不是啦…」
https://www.facebook.com/shel.crafts.music
Shel的同學Ceci， 因為兩個月前Shel問:「一齊擺市集囉...」， 於是便於Youtube上自覺煲呔， 問她為何會選擇煲呔呢？
她笑說:「因為我鍾意蝴蝶， 蝴蝶的花紋好靚...」其時另一拍檔Rose戲言:「係鬼..佢鍾意撲蝶吖麻」於是大家又笑作一圈。 (究竟她愛與誰撲蝶呢？？ 真想知道…)
https://www.facebook.com/Sayikeepit
Rose更犀利， 自資自彈自作自唱， 全能唱作人， 在市集賣CD， 而Shel亦有在CD中演繹。
(相片來源:Rose＆Lemon)
當日我買了Rose帶來的最後一隻CD， Rose開心的對我說:「啲歌我哋全部一Take過架， 希望你鍾意。」
現在我一邊聽， 一邊寫文， 消失的青春又回來身邊， 自己也似年青了20年. Rose唱「說故事式」的抒情歌最吸引， 追夢的熱血， 連我這位阿叔也感受得到。 (錄音質素已不重要)
Rose的網頁有歌曲的MV， 有機會我們一家來中環碼頭天橋來支持你們。 祝:CD更加多人喜歡！！
https://www.facebook.com/roseandlemon
【我愛逛】青春●熱血●愛的藝墟 @ HKU Art Fair
https://www.facebook.com/hayakutang
