來自上海嘅早餐品牌「網紅店」(Aminn嘅國內朋友係咁叫佢)桃園眷村早前已經登陸香港,地點就係朗豪坊原Mos Burger位置。桃園眷村賣嘅係台式古早味早點,主打鮮製豆漿、古法手工燒餅、油炸鬼,三年前喺上海開張,而家已經發展到全中國有超過30家分店,真係個個都去打卡,唔通個個都專登去打卡咩!



桃園眷村裝潢用上文藝風,牆身簡約乾淨,店入面嘅「時間,在舌尖」充滿文藝腔,呢種台灣文青氛圍,無疑是近年大熱嘅中港台餐廳包裝。 香港租貴地方有限,所以嚟到香港就要走快餐風 ,店入面以開放式設計,而且要用再生紙杯紙碗嚟節省清潔時間,加上位置連室外位,基本上都唔太需要等位。不過就無咗碗底嘅文青短詩,呢方面就差咗少少。









國內店環境





你可能會覺得桃園眷村賣嘅豆漿、油炸鬼都係普通嘢,不過原來都係店內用獨門方法每日鮮製現磨! 而且豆漿豆味清新,甜度仲可以按口味加減。

除咗鹹、甜豆漿之外,豆花都有鹹、甜畀你揀!

我就試咗鹹豆花($32)配菜有菜脯、蝦皮、紫菜、葱末,吃不慣的,第一口或許覺得奇怪,但吃上數口,菜脯、蝦皮的脆口和鹹香,撞上豆花清甜和軟滑,口感出奇過癮。


另外飲品仲有米漿、紅茶豆漿、紅棗豆漿選擇。

香港人習慣用油炸鬼配粥,喺台灣同江南等地就用嚟配豆漿,不過今日好似已經賣晒(的確桃園眷村每日都有部分食物係唔提供㗎!)

至於桃園眷村第三寶就係手工燒餅,燒餅就係傳統台式芝麻燒餅,新派做法就將佢切開再放配料,芝士、沙律菜、燒雞扒、炸魚柳等等。今次就試咗芝士蛋燒餅($42),燒餅脆卜卜,如果可以熱啲,啲芝士有少少溶就好喇!卡卡~


另外功夫辣雞腿燒餅 、燒餅油條蛋、豬排蛋燒餅都係推介喔!

桃園眷村除咗三寶之外,我仲好喜歡食即包粢飯,餡料好豐富㗎!唔同上海鋪嘅獨孤一味得肉鬆油炸鬼粢飯,所以我就點咗青瓜肉鬆飯糰($34), 除咗青瓜之外,仲有炸到卜卜脆嘅肉鬆同增加口感嘅菜脯。如果想試下台式啲嘅口味可以食台式香腸葱蛋飯糰同肉燥滷蛋飯糰㗎!



是次小分享完畢 :)

Aminn | Beauty.Food.Fun.Parenting.Travel.Trendy| 



Lifestyle:www.facebook.com/m.for.aminn/ 


 【網紅店燒到嚟】台式早餐店桃園眷村登陸香港!

 www.fb.com/m.for.aminn