天氣今晚會急降溫,對我來講簡直係嚴陣以待,最重要包包夠暖唔好病,佢唔病就一家都國泰民安。

昨晚返完教會包包話好累,於是早回家比佢休息,當然一有時間我又做食譜。

今次整蜜汁脆鱔,本身唔食鱔但脆鱔或燒鱔又會食。

呢個蜜汁脆鱔好好好食,一來夠脆、二來佢唔腥、三來個汁同個鱔幾夾。

好少做呢類菜式,但做到又好開心!起碼大少爺話好好食~

*點解叫寒冬裡的偶像?晌天寒地凍時有邊個唔想好似條鱔咁孿床呢?!

 

做法:

鱔   我買半條鱔,魚檔會代為起骨而且清潔好。

但返家後唔放心可以用鹽同生粉捽,捽完沖洗就乾淨~

1. 斜切成片,可以切厚啲,但我鍾意脆啲就薄啲。

2. 然後加少少鹽、胡椒粉及酒撈勻。

3. 炸之前落生粉撈勻,要好似圖中咁多

4. 炸,用大火炸至微微轉色撈起,將油燒滾再回鑊炸多次就會又乾身又脆

5. 上碟前都唔好熄火要開住火夾上碟,一熄火炸物就會吸油的

醬汁:

薑蓉    1茶匙

燒烤蜜糖   2湯匙

生抽   2茶匙

生粉   少許

水   2湯匙

 

做法:

1. 將醬汁撈勻

2. 倒入鑊

3. 煮到以下狀態就將鱔回鑊快手兜勻便完成


 【食譜】寒冬裡的偶像!蜜汁脆鱔

 https://www.facebook.com/taisiu9