裝修佬話你知！砧板發霉點算好？

砧板基本每日都會被使用，作為廚房用具嘅一種，無論係蔬菜瓜果還是肉類家禽，佢地嘅切割分離都係砧板上進行，所以無論係蔬菜瓜果嘅汁液還是肉類家禽嘅水分都可能隨著刀縫滲入砧板內部。砧板發霉點算好？裝修佬話你知。

擺放位置有講究 

使用過嘅砧板會用流動嘅清水加洗潔精適當清潔，然後用滾水燙洗，既可洗淨砧板上污漬，又可以適當殺菌。洗完後需要用乾布抹除水漬，儘快除濕，保證砧板唔處於潮濕環境。

需要留意，砧板嘅放置有講究，唔建議豎立緊貼牆，亦唔建議平放係枱面上，咁樣難以達到風乾效果，應該豎立放置係通風處。 

使用柔軟工具清潔 

與此同時，清洗砧板嘅工具同樣重要。係飯後清洗餐具時，通常會用抹布或鋼絲球，其實過硬嘅鋼絲球或鋼刷係清洗砧板時，會同砧板帶來刮痕，令砧板表面更加粗糙，更容易隱藏滋生細菌或霉菌。建議清洗砧板時，用菜刀來回輕刮表面，亦可以用絲瓜刷等較為柔軟嘅工具清洗。 

洗米水 

平時使用不當或洗唔到位，砧板可能早已發霉滋生細菌。如果黴發霉情況唔嚴重，可以用鋼絲球或砂紙對發霉地方反復摩擦，直到霉點消除。然後用流動清水清洗或用滾水燙洗。但其實一旦細菌滋生就難以消除，可以用洗米水。將砧板浸係米水中，然後加入適量鹽或梳打粉等進行擦洗，之後係乾淨砧板上滴上少許白醋，放係太陽底下將砧板內水分曬乾，最後再用清水洗淨。 

日常維護 

日常維護係防止砧板發霉嘅必要手段，隨意處理砧板會令細菌滋生，可以經常使用開水對砧板進行燙洗，消滅細菌。洗淨後放置係陰涼通風處晾乾，必要可在太陽底下曬乾，當然避免暴曬時間過長，以防砧板開裂。或者可以係砧板上撒鹽，儘量保持每個禮拜一次。白醋亦係非常唔錯嘅滅菌除味工具。 

(文：康少)

(以上圖片均來自網路，如有任何版權問題，請與本站聯絡)