武功高強王小虎

今日同大家回顧下王小虎如何成為夏金城口中既“武功高強王小虎“...！！！

初到香港時只憑天材好底子，加埋家傳絕學“虎尾腳“行走江湖，後自創“碎石腳“和“裂頭腳“，強代化自身殺傷力，幾乎打遍十八區無敵手，腿下功夫唯獨敗於沙田三豹師傅降龍和尚腳下，亦因此而重逢大伯父王降龍，正試涉獵高深腿法，練成首套絕學“降龍十八腿“。

降龍十八腿降伏不少奸邪高手，但王小虎未有自滿，根據電鑽概念創出經典絕招“毒龍鑽“（期後演化成多種版本：小毒龍鑽，電光毒龍鑽，陰世毒龍鑽，陰世雷電鑽...），第一個捱招既都係經典角色：奪命老妖！後期再創既“逼腿“，“劈腿“...，對完奇門三尊者既玄災後就極少用...。

後來認識咗無影居士兩個仔：大哥林谷和細佬林峰（新著兄弟個名調轉咗）,從無影腳飛花三十六和無影刀落葉二十四中領悟降龍十八腿剛勁有餘，速度不足既問題，繼而揉合無影腳和降龍十八腿既優點，創出“雷電神腿“，丁霹成為首個祭旗者，亦係呢一戰，馬小玲被老笠，成為失踪人口！

雖然後來後來王小虎從有好多奇遇，練成陰世神腿，九陽天殘腳，降龍新腿，劍腿...等等，但已經開始脫離功夫既範疇，腿法欠缺實際描述，往往一般既構圖再加個招式名就得，又或者（內功 + 舊招名）就係新招，真係新不如舊，所以還是“降龍十八腿“和“雷電神腿“是王小虎的招牌武功。