【食譜】山東煎餅

記得係青島食過煎餅果子，脆脆的很好食，番到香港到而家都好懷念，係深圳見賣煎餅果子都會試，不過唔係果回事，今次係人人樂見到山東煎餅賣，搞到我心思思買啲黎試下。

如果是從前我一定上淘寶訂套工具回來，嘻～而家唔會了，費事玩完屋企多件野阻地方。

煎餅用綠豆及雜糧做的，剛出爐時係脆的，放耐左就變軟，山東人好Man就咁用大蒜搽啲甜麵醬捲埋當飯食......

我唔得，試下捲蔥，都可以接受。

又用下第二樣菜式試下。

材料：

沙葛1個，紅蘿蔔1條，雞排1件，綠甜椒1個，芽菜1大碗，甜麵醬適量，蕃薯粉適量

醃料：

糖半茶匙，鹽1/4茶匙，胡椒粉少許，米酒1茶匙

調味料：

蠔油1大湯匙

做法：

1. 雞排切粗條後，加入醃料醃30分鐘，加入蕃薯粉拌勻，放入鍋中炸至熟即可隔油取出

2. 沙葛切條；紅蘿蔔切幼；綠甜椒切條

3. 燒熱鍋，下油1湯匙及沙葛炒至透明後，加入芽菜、紅蘿蔔、青椒炒及蠔油炒至混合即可

4. 在餅皮上搽上甜麵醬，放上雞件及3的蔬菜，捲起即可食用