城市 香港的圖片搜尋結果

(網上圖片)

與朋友們食早餐時,傾到中國的社會發展,同唔同地區的生活感悟,大家都好有意見。雖然唔係話走遍世界大江南北,但大家無論歐美、東南亞、大陸都叫做讀過書、住過又跑過,比較能體會當中的差距與轉變。

例如,大陸貴州省會貴陽,一個之前被認為好窮、好落後的地方,宜家發展出金融城、全國最大的樓盤,仲會變成大數據平台的根據地。所以,有人話過,貴陽就好似幾十年前的上海、廿幾年前的深圳,係絕對唔可以錯過的地方。另一個城市杭州,除左西湖,仲有電商、汽車業同fintech初創公司的支持,連G20同亞運會都係度舉行,可想而知這個城市幾受到注視。仲有泰國Bangkok同Pattaya,幾多人宜家選擇過去定居發展、退休養老,仲買埋樓投資,風氣仲吹埋去其他東南亞國家,如馬來西亞和緬甸呢!台灣唔駛多講,好多人已經落戶係台中、宜蘭等城市,開小店、cafe同民宿,開創一片天,競爭無咁大,生活相對來講比較寫意。

有個朋友講到,雖然他係西方環境長大,但始終想返亞洲生活,一來屋企在這邊、二來機會在亞洲比較多、三來他比較睇好東南亞同大陸的城市同經濟發展,比較多樣化又夠dynamic,所以決定返來。另一位就唔同意,因為他在silicon valley工作,做遊戲開發同測試,返到香港根本無這類工作,人工又比美國低一大截,所以愈來愈後悔,愈諗愈話唔應該返來,呢次已經賭輸左咁話。

人各有志,追求唔同野,理所當然。你話係香港日日OT賺錢但都唔夠比銀行mortgage好、定在泰國平平地買間villa但日日無所事事好呢?係大陸穿州過省跑生意飲酒KTV同clubbing蒲吓好、定係在外國千篇一律穩定地工作間唔中煮吓野食home party好calm地生活好呢?

有錢,就有選擇。加埋定左性,思路會清晰周詳,做選擇時會比較有規劃。總之,能讓自己發揮所長的,就係好地方。無必要聽人講,去邊做咩過點樣的生活,自己感受吓想過咩生活先吧!條命係自己,你鍾意咪留低,唔喜歡咪走囉。去working holiday又得,移民又得,無所謂呀。最後,好好享受,stick to the plan就okay啦!