【新歌推介】欣宜拍《你是什麼時候開始不愛我的？》MV 重演白雪公主死亡之吻

鄭欣宜Joyce自組新公司後，第一首mv《你是什麼時候開始不愛我的？》於昨晚曝光。今次MV內容相當有意思，Joyce 將她歷年來幾個飽受外界批判的階段重現眼前，被人笑她為食、扮美人魚、扮白雪公主獻「死亡之吻」等等，這些譽論曾幾何時都令她的心淌血，難過到喊唔停；但在批評聲音中長大的 Joyce 勇於面對一切，邊度跌低邊度起身，那管風雨飄搖，都係做自己最開心。

講到今次拍 mv 以多個不同造型示人，Joyce 表示當中係有含意：「唱呢首歌嘅時候，其實唔係淨係諗愛情，仲有好多唔同嘅演繹，包括面對自己，呢個 mv 對我嚟講係要踏出一個重大關口；幾個造型都曾經為我帶嚟重大陰影，我將佢哋重現，迫自己去面對。香港人咁忙，好容易將問題擺埋一邊，我都係咁，所以要跨出呢一步去面對、去承認；每一個造型都係我，少一個都唔會有今日嘅鄭欣宜。」

白雪公主和美人魚這兩個造型，曾令 Joyce 全身中箭，今次再重演是否意味她已百毒不侵？「其實都仲係驚架！但經驗話俾我聽，無論做咩都有機會俾人鬧，所以要做足準備工夫，等自己可以勇敢面對問題。雖然我自問冇資格做其他人嘅榜樣，但都會賞試去做，希望大家聽同睇《你是什麼時候開始不愛我的？》嘅時候，得到啟發我就心滿意足喇。」

Joyce 今次係第三度邀請黃偉文（Wyman）填詞，而 Wyman 就用「The straw that broke the camel’s back（壓倒駱駝的最後一根稻草）」做切入點，寫一段關係慢慢碎裂嘅觸發點，即係歌名《你是什麼時候開始不愛我的？》。Joyce 表示：「淨係睇個歌名已經好有故仔好有畫面。其實每次被失戀時，腦海就諗究竟係幾時開始唔愛我呢？到底係邊個時刻令人承受唔到呢？我係一個幾變態嘅人，鍾意挖問題出嚟面對。」

Joyce 當日走入錄音室錄《你》曲時已經忍唔住喊，後來更感觸到跪地痛哭，她說：「我係喊到收唔到聲嗰隻，連出名 cool 嘅監製都嚟安慰我，錄音室同事亦感動到眼泛淚光。其實我之前嘅歌《無表面傷痕》，就係要正視感情問題，歌曲面世後我亦成功克服失戀。但今次錄新歌，唔知啲情緒喺邊度湧出嚟，所以大家聽嘅時候都可以將自己代入去，渲洩潛藏而不自知嘅情感。」

《你是什麼時候開始不愛我的？》
歌曲資料：

作曲: 姜麗文
填詞: 黃偉文
主唱: 鄭欣宜

從前 二人 極甜 極好
卻再不擁抱
是哪日我做錯什麼
情人沒再待我好

如 駱駝 累成內傷
搭客不知道
在哪日 跌下稻草
無從 承受 最後 要倒

當我在管 每事管 霸道像公主
你沒權說 沒權理 奉行聖旨
如被 困在 鐵幕 過日子

當我在吵 每日吵 野蠻像瘋子
你又投訴 又談判 亦難制止
才道歉扮作認輸

罪行 越改越多
是我亦都憎我～
淚 越忍越多
是你絕了望麼～
壞事 越遮越多
但最恨我什麽
到哪 一根 乾草～ 不勝負荷

當我自卑 太自卑 太形象低下
你近來卻 熱情到 突然送花
難道 你在 暗地 約會她

當我自私 太自私 企在射燈下
我未來那 地圖裡 沒提你嗎
忘掉你亦快樂嗎

罪行 越改越多
是我亦都憎我～
淚 越忍越多
是你絕了望麼～
壞事 越遮越多
但最恨我什麽
教你 非走 不可
漏洞 越補越多
但你沒空等我～
恨 越飲越多
下次尚有什麽～
大話 越講越多
認錯 沒有效果
你哪 一天 開始～ 不勝負荷

栽種什麼 有什麼 這全是因果
你在乎過 但無意 在乎更多
無謂教育我什麼