【食譜】營養滿分！豆腐漢堡

其實我都係搏一搏，包包近來開始食多了「植物」，因為我晌包包手冊篤佢背脊，同老師講包包唔肯食植物。

相信老師都付出不少令到包包終於晌媽媽強逼下都肯就範食下菜蔬。

今次呢個豆腐漢堡本身無諗過佢咁順攤去食，我煎完出來佢望到問：乜嚟㗎？好靚喎！好似好好食喎。

我就話：豆腐加粟米、紫菜、紅蘿蔔囉！如果你肯食媽咪話比老師知你叻叻啦。

佢好雀躍話要食，終於成功係成餐飯無肉佢都食！除了豆腐餅仲有淮山飯。

包包養生的午餐=媽咪的驕傲。

材料：

硬豆腐     1件

粟米       半條   (蒸熟後起粒)

紅蘿蔔     半條  (切粒後蒸熟)

紫洋蔥     1/4個 (切細粒)

紫菜絲     隨意

雞蛋       半隻

生粉       1湯匙

鹽         1/4茶匙

做法：

1. 將豆腐用隻碟盛起，然後面層放上重物一小時，將豆腐水份壓出

2. 將豆腐壓碎，加入所有菜蔬粒粒、加鹽、加半隻蛋及生粉攪勻

3. 將豆腐做成餅狀，燒熱鑊熱油放豆腐餅，用中火煎至金黃色