楊峰首當評判審美標準難拿捏 搵雷晴雯做幕後軍師

藝人雷晴雯​ ​Winnie​ ​及歌手楊峰、黃夏蕙、中國小姐趙哲妤等昨晚於石門出席慈善選美活動，身為評判之一的楊峰笑言自己只懂看外表，所以特別找邀請​ ​Winnie​ ​當他的幕後軍師：「今次係我第一次擔任選美評判，但好坦白，我只識單憑外表分靚與唔靚，再深入一點嘅審美標準實在不太懂得如何拿捏，女人睇女人肯定比男人睇得更仔細同更全面，Winnie​ ​既係儀態導師，又係美容界嘅​ ​KOL，搵佢過返一兩招心得俾我，等我評分時都可以無咁頭痛丫嘛。」

雷晴雯及楊峰與一眾參賽佳麗。

​就楊峰找她作其幕後軍師感到非常榮幸並表示支持，同時感激楊峰對她的信心及信任，卻未敢居功，並謙稱她的心得也是自其恩師​ ​Pauline​ ​楊寶玲身上而來：「自細師傅已經教我真正的美必須內外兼備，要從內至外由心出發，故無論我嘅言行舉止、談吐禮儀、待人接物、處事態度，佢對我嘅要求都頗為嚴格，並多年來都以身作則言行身教。師傅亦會同我分享佢以前參加各國大賽嘅經驗同趣事，又多次帶我出席與選美有關嘅活動，經年下來令我眼光拓寬不少，也就造就咗我對『美』有更深入同更仔細嘅衡量與標準。」

問​ ​Winnie​ ​當年可有想過跟隨​ ​Pauline​ ​腳步參選港姐，Winnie​ ​笑言連諗都唔敢諗：「師傅當年的確提議過，甚至願意做我提名人，但師傅賽績彪炳揚威海外，我樣唔標青，亦無專長，樣樣僅得半桶水，實在不敢失禮人前丟師傅面子。」

​ ​

對楊峰以心支持，黃夏蕙亦支持楊峰為慈善出力，於活動上捐出十萬元以作為內地貧瘠山區興建學校之用，務求共襄善舉。

裕美為這次慈善選美活動擔任舞蹈總監。

魏秋樺及麥翠嫻亦是這次慈善選美活動的評判之一。

趙哲妤及楊峰