四年一別又見KAWS 仲要變身帶子雄郎抱兩個@海港城 Harbour City CLEAN SLATE

四年前, 2010年10月, KAWS第一次來香港, 5米高的「無眼睇」交叉眼乖乖坐在海港城露天廣場同一位置, 當年本港應該未試過有如此壯觀的商場展出現過, 非常震撼. 

霎眼間, 又4年, 我問阿囝:「記唔記得你兩歲時都嚟睇過KAWS呢?」他遙遙頭, 我繼續說:「隻眼有兩個交叉嘅呢?? 當時佢仲戴住交叉手套掩住臉呢!!」. 

原來, 小朋友兩歲前的記憶體是CD-R來的, 磁粉一脫落就會全無記錄. 阿囝望著今日7米高的交叉眼, 全無印象的說:「佢隻眼真係交叉架喎, 不過佢條褲係米扮米奇老鼠呀!?」

我說:「交叉眼叫Companion, 佢4年前一個人嚟香港, 今次就帶埋佢兩個BB嚟囉!!」阿囝疑問:「真係佢生嘅BB呀?」哈!! 小朋友問題真有趣...

其實潮流品牌可以有如此多年壽命己經非常難得, 雖然4年前, 撐場的有容祖兒、陳冠希, 又有軟硬、何韻詩、丁子高、杜汶澤、田蕊妮、周柏豪、鄭融、Angelababy... 今年依然有楊芊華單天保至尊吧!!

二樓美術館外, 露天走廊有一系列KAWS的彩色抽象派畫作展出, 但天氣太熱了, 而且抽象得來又看得不太明白, 還是怱怱看看便走回冷氣間比較好. (兩位大陸遊真的耐熱能力極高喎)

上一次的展覽, 除了廣場有巨型大Companion外, 「美術館」內還有多個小交叉眼可供拍照, 不過今次「美術館」只展出KAWS的畫作及海報. 

當中最吸引一定是交叉眼1999與 Christy Turlingto的性感Calvin Klei合體廣告，但為何不展出知名度更高的Kate Moss，或日本藝人栗山千明的海報呢?

展場有分一邊是純色系列, 別一邊則是彩色的抽象派作品, 雖然彩色夠搶眼, 但我當然還是愛欣賞看得明白的圖像多一點啦!! 起碼看到「米田共」也有一雙交叉眼, 就已經從心偷偷笑出來吧!!