【中環】高質中菜好介紹！中華滙館

媽咪生日關係，打算搵一間高級中菜同佢慶祝生日，中華滙館網上食評高，咁就book位啦。

餐廳環境幽靜，枱與枱之間嘅距離甚遠，好有空間感！佢嘅碗碟以及擺設都十分精緻。

首先黎一壺菊花茶先！

主菜一：水煮星斑球

黎到梗係食餐廳嘅招牌菜啦 用左13種不同嘅香料制成，斑片超嫩滑，超鮮，而且去左骨添，呢碟餸功夫真係好多。辣得適中，啱曬我呢個辣妹呀！辣嘅味道亦唔會覆蓋咗魚嘅鮮味，內裏亦有薯粉芽菜做配菜，完全吸收曬啲辣味。超正！

用熱鍋烘住嘅豬手，可以keep住熱辣辣！ 內有好多粒原粒話梅，再加老薑醃製著，豬手好入味，肉質嫩滑， 豬皮煙煙靭靭 加肉筋同埋肥膏一齊食，啖啖骨膠原

炸豆腐磚：

十分之有驚喜，豆腐磚外脆內軟綿綿，竟然唔需要點任何醬汁已經係覺得好好食。

西施牛尾：

牛尾煮得超級軟腍，有口感。而佢嘅配菜係包括有紅棗桂圓等等，所以就係鹹中帶甜，送飯一流！

皺皮椒黑虎掌菌炒黑豚肉

我對呢道菜好好奇。

因為咁大個女都未食過黑虎掌菌！ 呢碟餸菜穫氣十足，炒肥美豬頸肉加菇菌，伴汁微辣，正！

酸辣湯：

有豆腐絲、竹筍、木耳、豬肉絲等等,一碗湯已食到追傳嘅巧手，好飲。

千層馬拉糕：

梗係要嗌我最愛嘅千層馬拉糕 最喜歡淡淡奶油香 。

馬豆糕都係我愛，必點。