雖然講大話係唔啱,但有時講少少「善意謊言」反而會令大家少啲爭拗,關係更甜蜜和諧。

根據英國嘅調查顯示,有百分之25嘅人唔信任另一半,認為另一半曾有講過大話。

咁到底大家講得最多嘅10個大話到底係咩呢?

1. 「差唔多到喇,仲有5分鐘」

對於成日遲到、做嘢又拖拉嘅人嚟講,呢句其實表示仲有5分鐘先出到門口……

2. 「我唔介意你嘅過去」

如果真係咁唔在意,到底仲係咪愛呢?

3. 講少前度嘅數目

呢條絕對係剛拍拖嘅必問問題,但我諗大多數人都會將數目講少幾個,營造自己「我都唔係好花心姐」嘅形象。

4. 「我無事」

無事即係有事,無嬲即刻好嬲,呢個反話論相信每人都聽過。

5. 「老實話我知,我唔會怪你」

呢句真係大伏嚟,可以話你講咗之後,另一半一定會嬲!但到底長遠嚟計,老實承認定隱瞞好啲呢?呢個問題真係要靠各位施主自己參透。

6. 「你講吖,我聽緊」

假如另一半雞啄唔斷咁想同你分享你根本唔關心嘅話題,你又唔好意思亦唔敢話唔想聽,就唯有扮聽啦……

7. 「啱啱手機訊號差」

當身處喺唔適合畀伴侶知道嘅場合,而對方又咁啱打電話過嚟,唯有話自己電話收得唔好避咗佢算。

8. 「我同朋友飲緊嘢」

到底真係同朋友出街,定係特別嘅異性「朋友」啊?

9. 「我下次唔敢喇」

犯錯嘅時候,想盡快解決件事,最快嘅方法就梗係認低威、話知錯啦,但到底係真心悔過定係求其hea應呢?真係你自己先知。

10. 「我高潮啊」

性能力可以話係伴侶嘅死穴,所以為免傷到對方嘅自尊心,無高潮都要扮有,都幾考演技……

(圖片來源:tumblr)