街頭look搶鏡亮相Tommy Hilfiger倫敦時裝展 倪晨曦喜遇亞洲代言人余文樂

藝人兼時尚達人倪晨曦（Elva），現正身處倫敦時裝周馬不停蹄出席活動。

早以高貴look欣賞完Burberry 2018春夏系列，今日就以街頭look 現身Tommy Hilfiger 2017秋冬時裝展，「今日格仔連身裙配牛仔褸，兩樣都係長青item。其實我咩類型嘅衫都會想試下，我覺得所有女仔都應該大膽啲試多啲嘢，千萬唔好俾個框框限死自己，你唔試點知自己仲有咩可能性？」Elva在會場又繼續周圍同人影相留念，包括好朋友馬天佑、歐陽娜娜與及來自世界各地的Blogger，她笑言以前第一次來倫敦時裝周時好怕醜，影相做訪問都不自然，現在已經習慣了時裝騷會場的氣氛。

Elva這次亦有跟余文樂合照，更指很開心對方成為Tommy Hilfiger第一位大中華區形象大使，「見到佢好有親切感，佢唔只著衫有型仲有自己品牌，同時又可以兼顧拍戲，唔簡單㗎。」原來Elva一直都想推出瑜伽服裝品牌，但因為她要求極高，堅持要找到好布料才開始，現在仍然四圍物色布廠，要再做多些資料搜集方能成事。