本版所扮演的教育角色，並不是傳授硬知識，而是建立好心態。
常有戶主問：「瓷磚要浸水嗎？浸水要浸多久？」
戶主會問這些問題，其實相當正路。
但大家可能想像不到，版主經常會收到「進一步的問題」：
「師傅一般應用什麼容器浸？咁樣(附圖)啱唔啱？是否應該一次浸哂？我晚上去睇師傅只係浸左一盤，咁佢明天係咪只應該貼呢一盤？我如何得知道師傅浸左幾耐磚？」
更甚的，是有些戶主會毫不客氣地追問類似圖中的問題……
苦就不訴了。以下有五個關於浸磚的誤解跟大家分享： 誤解一：乜磚都要浸？ 正解：*一般來說*，牆磚要浸，地磚不用浸。如果有疑問，在報價、買磚時問清楚。 誤解二：整濕就得唔駛浸？ 正解：浸水的目的是避免磚吸哂英泥的水，如果佢冇吸飽水，浸水只是做樣。 誤解三：密度越高浸越耐？ 正解：密度高，吸水率低，反而唔駛浸咁耐。 誤解四：泡浸時間無標準？ 正解：雖然時間會按磚款、天氣等因素而有不同，但其實是有判準的。但這個應該由你的師傅和磚店告訴你。 誤解五：不恥下問最抵讚？ 正解：記得，戶主的角色是搵裝修而不是學裝修，你是戶主而不是監工。你的角色是在報價階段或揀磚階段，向師傅/磚店提出問題，但不應該在裝修過程中，比較不同公司施工經驗技術的優劣好壞。簡單來說，戶主要「未拍拖時帶眼識人」，而不是「拍緊拖先走去日日CHECK人電話」。【裝修知識】瓷磚浸水浸多久？ (裝修中伏大全)
https://www.facebook.com/hkdecoman
