李紫昕(Purple)主演《愛麗絲夢遊仙境：夢想之城》首場公演爆滿

李紫昕(Purple)主演嘅舞台劇《愛麗絲夢遊仙境：夢想之城》今日(18/8)正式公演，全場座無虛席，據知觀眾反應十分熱烈，五場演出都已經爆滿一票難求，而喺九月更會演出今次劇目嘅延續版，加入理財內容，透過舞台劇教育學生理財知識。

Purple想觀眾有耳目一新嘅感覺，加入咗好多兒童舞台劇中前所未有嘅元素，包括極速變裝同特別舞台UV螢光效果。有別於以往華麗嘅服飾，今次服裝加入民族風格，小朋友十分喜愛，喺幕後要以幾秒極速換裝時，一眾小演員都會興奮圍住Purple，差點出唔到場！

有畏高嘅Purple話今次要喺高台上打鼓唱歌，係一大挑戰，因曾經採排時試過喺好高嘅樓梯跌落嚟，所以都有一定陰影，但為咗配合今次特別嘅舞台效果，好努力刻服恐懼，希望將最好表演呈現俾觀眾！