無論做幾多運動都係擺脫唔到脹卜卜嘅水腫手腳同包包臉？其實大家可能忽略咗一樣嘢，就係鈉喇。
鈉係引致水腫嘅元凶，好多你以為無問題嘅健康食品分分鐘就係高鈉陷阱，大家真係要好好注意啊。
1. 梳打餅
餅乾都係用鹽焗嘅，所以唔可以食多。
2. 麥包
唔好以為麥包就等如健康，其實佢同白麵包嘅鹽分一樣偏高，如果加埋火腿、餐肉，真係超晒標！
3. 烏冬
烏冬都會加入鹽分調味，記住比較清楚唔同牌子嘅鈉含量。
4. 乾炒牛河
又油又鹹嘅茶記名物，真係食一碟就要忍口一星期……
5. 魚肉燒賣
原來10粒燒賣就已經等如2碗白飯，熱量高之餘鹽份亦高，仲要加埋豉油、辣油，鈉含量真係超晒標！
6. 魷魚絲
記住要適可而止，唔好見係零食就食唔停口。
7. 羅宋湯
其實羅宋湯會落好多鹽嚟調味，唔好以為飲落唔鹹就無事！
8. 麵豉湯
麵豉湯係由黃豆加鹽發酵整出嚟，所以鹽份好高。
9. 包裝蔬果汁
記住要留意標籤嘅含量，買最低鈉嘅版本，同埋唔好飲太多。
10. 日式芝麻醬
呢樣真係去某快餐店打邊爐嘅名物，但要留意其實芝麻醬嘅油、鹽含量都非常高，所以唔好當水咁點啊！
（圖片來源：tumblr）
