【食譜】勁麻口味！麻辣牛肉炒雲耳金菇粉絲

唔知點解逢係落雨我都想食辣，到底點解？

其實我唔係辣辣狂熱者，食辣只係點綴不能盲目，所以我食辣係食有層次辣味，泰式辣、麻辣都好鍾意。

泰式辣比較多功夫，但麻辣只要有包花椒就可以，而且花椒唔係隻隻都有麻辣效果，我係要麻辣花椒。

花椒係會令舌頭產生麻感覺而唔係辣，加辣椒先會辣的。

今日午餐食麻辣牛肉炒雲耳金菇粉絲，點解有呢個配搭？

因為包包喜歡雲耳同粉絲，咁我先炒好盛起佢個份量，我再後期加工加入花椒及辣椒，同一碟有兩種口味，但唔好比佢夾錯啊！

呢種花椒好夠麻，將佢 blend到粉狀。

材料：

牛肉片     隨意

雲耳    8-10朵(浸開)

金菇   1扎

粉絲   1扎(浸軟)

蒜頭   3粒

花椒   1茶匙(或更多)

辣椒或辣椒乾   2-3隻

蔥段    少許

醬汁：

生抽   隨手落

(你可以落少少，煮滾後試味唔夠味先加多)

鹽   1/2茶匙

糖   1茶匙

水    1/2碗

做法：

1. 先將牛肉用生抽撈一撈再炒至半熟備用

2. 再爆香蒜頭、雲耳、金菇炒呀炒後加入醬汁所有材料，試味

(如果唔係要分比小朋友食的話，可以先放埋辣椒及花椒)

3. 牛肉、粉絲放入鑊煮煮，再加少少生粉水埋獻便可以