裝修Challenge 2017 (七) – GAME3 水電 (裝修佬新聞)

第三個任務較為複雜，唔想睇玩法可以SKIP左呢段。簡單說，四位隊員各自負責不同的工作，首先第一位是攻擊手，專門負責用鑿將其他隊伍的水桶鑿穿。第二位需要用九秒九的速度去遠處取一枝犀利牌的暴風膠，並將它交給第三位隊員。

第三位隊員負責將犀利牌暴風膠駁上膠槍，將已被破壞的水桶修補。第四位隊員負責進行防守及軍師，他可以阻礙對手一號隊員進行破壞及引領隊友三號隊員進行修補。 講咁多就知裝修華一個人又點可以分身飾演幾個角色，所以示範時我地邀請到FUN錢的ALI幫忙，明顯地軍師ALI就係四號一路點住引領三號仔裝修華去補膠啦！

*裝修華/Ali

正所謂就算幾鋒利的刀都有生鎸的一日，所以就算參賽者以九秒九的速度飛奔去搶犀利牌暴風膠都始終有捕捉到佢地飛奔一刻的鏡頭，你睇下有速度之餘仲不忘面露笑容，最近鏡頭的一位向住鏡頭還露齒笑，充分表示信心十足。 

嗱…嗱…嗱…仲捉唔到你地，原來Camel Angels一直有搵外援幫手，今次仲唔俾我地捉到正? 不過話時話，枝犀利牌暴風膠咁犀利，連穿晒隆漏緊水的水桶都可以完全修補，有人教你點用就當然要去學，就算第時屋企有需要使用暴風膠時，都會識得點處理，所以今次我地饒恕你地啦Camel Angels。 

混戰一輪，終於由家居維修義工協會勇奪任務三冠軍，所有隊員均獲贈由名家居世博園贊助送出的優質床上4件套用品。大家仲記唔記得相中右二早前飛奔時露齒笑的先生，頭先一睇就知佢有冠軍相，抵你一個人可以用3套床上用品，真係實至名歸。

*家居維修義工協會