裝飾品可以增加家居藝術氣氛,提示業主品味。好多屋企擺裝飾品嘅朋友都深知最大嘅麻煩就係佢嘅清潔,唔同嘅擺件有唔同嘅清潔方法,以下裝修佬同大家分享家居裝飾擺件嘅清潔保養方法。


水晶擺件清潔 

水晶擺件大多晶瑩光潔、玲瓏剔透,裝點現代生活、提高生活品味嘅時尚物品,生活中嘅水晶擺件無所不在,但如何保養亦成為咗眾多人關心嘅問題。水晶性脆,注意防重壓、防摔、防高溫,防強鹼、強酸。移動水晶時,最好戴柔軟棉質手套,避免手上油漬污染收藏品,擰起水晶物品時,唔好觸碰水晶擺件頂部或外延部位,應捉緊水晶底座或成個身體。發現水晶有灰塵,切勿使用羽毛刷,要用輕軟而不含絨毛嘅布料輕掃除塵,切勿用力過於用力,以免磨損水晶表面。 水晶擺件保養 要保持水晶晶瑩通透,必須經常清洗,除塵除污,水晶作為易碎品,應該小心存放,輕拿輕放,避免碰撞、重壓和摔落。 

 

玉器擺件清潔及保養 

新購玉件一般應係清水浸幾個鐘,然後用軟毛刷或牙刷清潔,再用乾淨棉布抹乾。如果係佩掛件最好用乾淨、柔軟白布抹,不宜用染色布、纖維質硬嘅布料 ,咁樣有助保養同維持原質。 玉石硬度雖高,但受碰撞後會容易裂,有時雖然肉眼睇唔出裂痕,其實玉表層內嘅分子結構已受破壞,有暗裂紋,大大損害其完美度同經濟價值。 

避免陽光曝曬 

強烈陽光會令玉石分子體積增大,從而影響到玉嘅質地同色澤。 忌化學劑 隨著社會生活嘅進步發展,係日常生活中,使用化學物品越來越多,呢D化學劑俾玉石帶來一定嘅損傷,例如各種洗潔劑、番梘、殺蟲劑、化妝品、香水、美髮劑等。如果唔小心沾染到,應及時抹除後清洗。 盡可能避免灰塵、油污 日常玉器若有灰塵或污漬,應用軟毛刷清潔,若有污垢或油漬等附於玉面,應以淡番梘水刷洗,再用清水沖淨,切忌使用化學除油污劑。 

 

木質擺件 

木質擺件要防塵防污,定期用濕抹布清潔保持表面乾淨,避免碰撞、銳器刮花等人為破壞,不可水洗,以免內裡木質濕水後變形,保持通風乾爽環境。 

 

鐵製藝術品 

鐵製品最大嘅問題在於唔可以用濕布抹,又唔能夠用乾布抹,濕布會令表面留有水分,加快生鏽,而乾布會係表面留有大量布料纖維,難以去除。日常鐵製品清潔應用軟毛刷輕輕掃去表面灰塵,或用除塵紙亦可,附近應擺放乾燥劑保持乾燥。

 

(文:巨龍)

(以上圖片均來自網路,如有任何版權問題,請與本站聯絡)


 【家居知識】家中的裝飾擺件,應如何清潔保養?

 https://www.facebook.com/hkdecoman