胡琳推出黑膠唱片 呼籲粉絲勿網上炒賣唱片

胡琳（Bianca）即將推出全新黑膠唱片《Me & You》，日前忙於為首批訂售粉絲簽名。Bianca坦言心情既驚又喜：「驚就係今次出貨量真係好少，仲要分咗黃色同黑色！黃色係我自己揀嘅顏色，為今次project 度身訂做。據往績就一定會有炒價，我同公司訂貨都未確定有幾多隻！而最驚喜呢就係反應幾理想，但係公司就講明唔會加印！」

胡琳呼籲粉絲勿網上炒賣唱片，寧自己排隊代購：「最多我早點起身去唱片鋪入貨囉！希望Fans以合理價錢買到，買太貴我心疼你又肉赤！其實出黑膠唱片係我音樂旅程之一，亦可以對高音樂要求嘅fans有多個選擇。」。

近日胡琳忙於唱片宣傳和拍劇，笑言精神分裂難以抽離角色：「一時就做人老婆，一時又話去影唱片封面，真係人都癲啊！不過忙得黎都享受嘅，做藝人係好鍾意試新野！」。