【入貨係時候】蛋卷有買趁手

「我真係好鍾意食蛋卷！！」每年農曆新年前， 就是我出動掃貨的時候 因為超市蛋卷， 每年只限售兩個月， 絕對罕過iPhone多多聲。

小朋友時代， 拜年後一定收到多罐蛋卷， 加上家母又知我愛蛋卷， 所以屋企一定永不缺貨。

後來自己一個人居住， 我就發現原來超級市場並不是一年365日也有蛋卷出售呵！！

曾經向店員查詢， 那豪氣女店員回敬:「罐裝蛋卷？？家陣暑假呀！阿哥...新年先有蛋糕賣架麻， 買住蛋糕先啦！！」(心諗:吓？鬼知咩)

除了染布房街某即造即食蛋卷店外， 我最愛就一定是華園的罐裝蛋卷， 買蛋卷一定要買鐵罐裝， 因為「中招」無數， 紙盒裝， 透明膠袋裝的一定「唔好食」。

SY得我真傳， 也愛蛋卷如命， 今日我專誠帶齊牛油味， 椰汁味， 及果仁味三款蛋卷， 一次過給阿囝試食試食。

近年， 蛋卷已變成一罐六包獨立鍚紙裝， 每包又附有防潮劑， 那肯定較從前原罐食到尾時， 部份蛋卷已經不再脆為佳。

今日在超級市場， 有女士手持蛋卷盒， 指給老公看:「哦！！原來華園係不含豬油成分…」 (又會真係人睇得咁仔細？？我從來唔會睇架喎！)

經過SY及我試食後， 他和我一樣揀選了中間顏色較深的一款， 最好食。

這是椰汁味款式， 如果要形容， 就似最近容祖兒翻唱「這麼近， 那麼遠」， 聽慣了原汁原味的張學友版本， 又試下另一女聲重新演繹， 原來又好好聽喎。

不過， 又並非每位歌手翻唱經典歌， 都一定好聽呢！！ 那你一定明我說甚麼的。