【綠茶雪糕撞蜜瓜】宇宙最強!! @ I Creamia

「食雪糕最好玩」， 今日我們又去試新雪糕， 於銅鑼灣只開業一個多月的「I Creamia」， 神級蜜瓜綠茶雪糕， 第一次網上發現， 大大聲「嘩！！」之餘， 衝動得即時致電查詢。

好彩上星期預先致電「I Creamia」， 否則又白走一趟， 因為當日6點已經售罄， 於是預留了蜜瓜今日去食。

我恨食日本蜜瓜多時， 但SOGO一個要賣$389， 一家三口肯定KO不到整個， 今次半個分量， 只售$180， 還有如巴黎鐵塔高的綠茶雪糕， 超超超值呀！！

非常有禮的Elsa:「因為高知縣嘅品種未熟， 今日你哋今日食嘅係熊本溫室蜜瓜， 甜好多架！！」阿太說:「半年前食過北海道夕張蜜瓜， 超甜...」

Elsa笑笑口答:「日本蜜瓜分兩種， 北海道紅肉， 不過佢哋唔係溫室種架， 所以運出國好少， 而且只係暑假當造， 我哋綠肉嘅溫室品種就一年四季都有。」

之後老板吉岡先生知道我想拍影， 於是請店員Sharon將蜜瓜放在櫃台前切給我看， 真的忽然有衝動想錫老闆一啖。

Sharon是今日主力切蜜瓜的刀手， 她表示半日切了四個， 因為今日返了3箱， 所以倉內有充足蜜瓜供應喎。

本來Elsa建議蜜瓜配日本牛奶雪糕，  因為綠茶味濃會搶走蜜瓜甜味， 但阿太熱愛綠茶， 所以我們還是忍不住點了兩溝味道。

本來， 店內是立食的， 不過吉岡先生眼見吧枱太高， 竟然從休息室拿出一張褶凳給阿囝坐...我這一刻真的受寵若驚， 不好意思。

淺綠色的蜜瓜， 配上奶白深綠的扭扭雪糕， 和諧的感覺， 靚到似忽然至身日本長野縣鄉郊叢林一樣， 蟲叫草動環迴立體聲，陶醉得不捨得食第一羹。

可惜不懂享受的SY， 不停問:「食得未？ 爸爸影夠未？ 溶啦爸爸...」教仁大煞風景...

第一口試了我期待已久的蜜瓜， 甜美得如當年看倆小無猜一樣， 天真無邪， 又清又純。

強烈推介， 你一定要一口綠茶夾一口蜜瓜放入口， 因為你即時會感到「在這一息間相遇有情人」的救命感覺。

阿太:「好爽呀！ 好好食呀！！ 不過好似好難"畢"」無錯！ 如果過兩， 三日熟少少才開， 這組合一定會更「完美得可怕， 太快樂難招架！」

我問Elsa下次可否要求熟一點的蜜瓜呢？ 她笑容滿面示意:「哈哈...暫時未有客人有這個要求， 但如果你下次早一個星期前預留， 我們可以留一個將會最熟嘅畀你都得架！」

好呀！ 好呀！ Elsa預計暑假期間， 或者會嘗試進口《夕張》的紅肉蜜瓜， 看來我預早六月就要打來訂定一個， 發達啦！！ 《夕張》配綠茶， 應該是我最最最期待的畫面。

下午時份， 店內100個限定的茶大福極速售罄， 早知剛才一到步就買三個來吃喔...現在唯有下次再來吃吧！

吉岡老闆絶對賣力， 就連添加牛奶雪糕也自已攀高， 落手落腳親力親為，  真的令我佩服. 日本果然是我最愛的地方， 人潔地靈得緊要呵。

原來老闆7年前已長駐香港， 我以為他在日本開雪糕店， 誰知他說:「唔係呀！！ 因為人生最愛食雪糕， 所以想在香港創業， 第一時間想到雪糕...」

吉岡先生竟然略懂廣東話， (嚇了我一跳)， 幸好我在阿太面前也只是讚他， 否則真的尷尬到不得了。

PS: 由於店舖不大， 所以點選杯裝雪糕的客人， 個個也是站在門外品嚐， 希望「I Creamia」快快擴充營業， 如果可以坐著梳化， 嘆著蜜瓜， 人生最享受莫過於此也.

味道: ★★★★★

環境: ★★★★

服務: ★★★★★

抵食: ★★★★★

推介度: ★★★★★