（網上圖片）
早前，朋友就結婚，但因他不在香港，所以托我幫他，到尖沙咀拿早已經印好的請帖請柬。我去到，超熱，坐低休息一陣，開始用whatsapp搖控，同朋友隔空對話，睇吓佢對批貨有咩意見，又影相、又傾吓，來來回回，都搞左成半個鐘。
做完正經事之後，仲同老闆吹左陣水，原來老闆在大陸有間printing廠，做開接開B2B大單，後來，覺得婚禮wedding市場仲有得做，所以開始接小批量的請帖、請柬訂單，最大單的都只係700張左右，而且無MOQ，印十張八張都可以，同以前一開機就印幾十萬張野、又無設計、又唔講求質素、最緊要快的B2B單，可謂差之千里。
臨走時，我問，點解做開大野宜家會轉做wedding市場呀？老闆話宜家每件印刷品個unit price單價比之前高好多，而且仲可以收埋設計費，比之前做B2B時印吓發票、單據、小冊子仲開心、仲有滿足感呀！雖然，宜家account servicing同設計所花的精力大左，但同人溝通互動機會多左，工作性質唔同，比之前的工作更快樂；所以，計過度過之後，都係會以B2C繼續做落去。
之後，我推門離開，背住成二百幾張tailor made特別設計及印刷出來的請帖，小心翼翼、左閃右避咁，由加連威老道行去the one食飯。
剛坐下來，朋友又未到，就收到另一個朋友來電，話他在香港、深圳等地方搞跨境物流電商服務，又O2O、又B2B2C、又幫你搞上架同運輸、報關清關連同有宣傳效果的package，針對性的客戶都是大零售、食品牌子。一句到尾，總之想入大陸，無論線上線下，搵佢就實無死啦！他講完收線之後，朋友剛到，於是就叫野食啦！她講到她公司業務轉型，想由投標拿生意、變成多做commercial客和街客，擴大market share，一定要由B2B做到B2C……
宜家，時興潮語，一大堆B2C、B2B、O2O、B2B2C、OAO等等的ABC字眼，睇到人眼花撩亂，傾到人頭昏腦脹。有時我諗，創立咁多概念、專有名詞，對我地的溝通，究竟係便利左、定劃訂了更多限制，令一件簡單事愈來愈碎片化、模糊化呢？
