經過一日辛勞嘅工作，我哋都希望可以瞓返場靚覺嚟補充精神同體力。但現代人生活壓力大，瞓前又掛住碌手機，往往都好容易就會有失眠問題。
根據英國《Daily Mail》報導，當地嘅睡眠專家就建議咗5種幫助睡眠，以及5種會引致失眠嘅食物，等我哋一齊了解吓啦！
幫助睡眠的食物
1.香蕉
含有豐富嘅鎂及色胺酸，前者可以幫助肌肉放鬆，後者就係人體必需嘅胺基酸之一，能轉化成調節睡眠的神經傳導物質，達到放鬆、幫助入睡嘅效果。
2.蜂蜜
含有葡萄糖以及多種維生素與礦物質，可以安定神經、消除疲勞、幫助睡眠。
3.杏仁
含有色胺酸及鎂，作用與香蕉類同。
4.燕麥
含有豐富的褪黑激素。
5.火雞
含有色胺酸，有助入眠。
容易導致失眠的食物
1.酒精
瞓前飲酒雖然會令人昏昏欲睡，但量多就會令你唔可以進入深層睡眠，所以第二日就會頭暈同無精神。
2.辛辣食物
除咗容易導致消化不良，辣椒素亦有可能影響你嘅體溫及睡眠質素。
3.高脂肪食物
油膩嘅食物會令加重腸胃負擔，容易導致消化不良，甚至係胃酸倒流，胸口有住灼熱嘅感覺。
4.咖啡
咖啡係興奮劑嘅一種，會刺激神經系統，減少褪黑激素分泌。
5.忌廉
黏膩嘅奶油會加重腸胃嘅負擔，消化唔好就會影響睡眠。
（圖片來源：tumblr）
