香港人返工工時長、壓力大,個個老細都想員工為佢哋賣命,抱怨起上嚟真係呼聲四起,個個都一肚冤屈。當大家自覺辛苦、諗緊轉唔轉工嘅時候,有無諗過世界上原來有好多千奇百趣嘅工作,當中有啲真係聽到都驚!但正正因為惡頂,真係要同從事呢啲工作嘅人致敬!換轉係你,唔知又敢唔敢挑戰呢?

1. 狗糧試食員
狗糧竟然用人嚟試食?原來係因為想確保質素,做到口感細膩、味道好先至合格!

2. 蚊蟲叮咬測試員
呢項工作真係諗起都驚!測試員要將搽有防叮咬膏藥嘅手放入滿佈蚊蟲嘅箱入面,任由蚊蟲叮咬,測試膏藥嘅效用。

3. 止汗劑測試員
為咗測試止汗劑嘅止汗及除臭效用,佢哋每日都要伸個頭埋去聞人哋腋下嘅「芳香」,未免太重口味。

4. 動物精子取精員
工作人員要用電動探棒插入動物嘅直腸,以電力引使動物射精,得到嘅精子會用作人工受精或生育研究。

5. 聞屁師
透過聞病患者嘅屁味嚟判斷其身體狀況。入職條件嚴格,年齡要介乎18-45 歲,唔可以食煙、飲酒、化妝,亦唔可以患有鼻炎。

6. 印度下水道工人
喺毫無保護裝備嘅情況下潛入下水道工作,係極度難受同危險嘅工作。皮膚長期直接接觸到污水會引致皮膚病,二人更有可能喺水中窒息致死。

7. 糞便潛水員
雖然一樣都喺污水道工作,但比前者較好嘅係佢哋可以配戴潛水設備,合共重約40公斤。

8. 大象通便師
大笨象都有屙唔出嘅時候,呢個時候通便師就要鑽入大象體內幫佢排出便便,真係相當難頂,而且仲有一定程度嘅危險!

9. 相撲助理
相撲選手因為體型肥胖,難以清洗自己嘅後背同屁股,甚至去完大便都難以幫自己抹patpat……以往嘅慣例會由相撲學校嘅低年級生擔任呢項工作,現時已被日本政府禁止。

10. 澳洲大堡礁守島人
負責看守大堡礁嘅島嶼,半年嘅人工更加有10萬美元,薪酬相當優厚,相信係唔少人嘅dream job!

(圖片來源:tumblr)