【食譜】好味又健康！小孩至愛：偽炸雞

病完幾日，今日好似放完大假咁係咁補番晒啲嘢。

上星期發高燒乜都做唔到，好介意無得煮比包包食。

攤晌床真係又辛苦又無奈，最慘係啲皮膚一日內變差..............

幸好呢幾日開始好番可以煮比包包食。

今日整了偽炸雞，個偽炸雞最特別之處唔係炸係焗。

以焗代炸我做過好多次，但色水要靚就係今次，真真正正金黃色。

個祕袂係將麵包糠炒一炒，炒到微黃色焗出來就會靚呢！

你睇下個臭包，啲菠菜放晌個盤到...…直到永遠，激死我！

而我就食偽雞柳配 Caesar salad。

做法：

１用大雞柳切片(我買有機的)，然後加1/4-1/2茶匙鹽撈勻，可以加少少黑椒

２我會用1粒蒜頭磨蓉去醃雞肉，做出來香好多

３麵包糠大約半碗至一碗，用白鑊去炒

４邊炒邊兜勻

５預備 2湯匙麵粉及1隻蛋

６先將雞肉沾上麵粉，唔需要多但要均勻

７再沾上蛋漿，最後沾上麵包糠(無影到)

８將雞肉放上焗架！然後用175度焗 20-25分鐘(視乎焗爐火力而定)