GX-31V 40th Anni.開盒報告

超合金魂除咗原著GX - 31外，仲出過31V和最新既31V(40th Ann.)版，V型電磁俠亦都係好多人既大愛當年31V個價一直未回落過，Y拍長期處於$3,500以上。

呢隻應40週年主題重出，噱頭嘢來啫，不過對於唔想硬食炒價，V型大愛者（我就係大愛者，所以有舊版都入返隻供奉），或者上兩隻未入既師兄，絕對係佳音。笨大呢隻造勢重勁過金毛六神再版，公佈開訂一兩日就截咗單...！

有玩開舊款既，呢個所謂記念版基本上同一個模再版，所有嘢一樣，係個盒重新設計，而顏色就用咗四十週年系列色調，金屬珍珠色調，呢隻色調真係好靚，配襯靚過萬能俠和愛美神好多，無論有冇舊版，都值得入返隻。