唔講唔知道，原來由得自己肚餓都係一種養生方法，而晚飯更加係「疾病之源」。到底點解咁講呢？就等我哋一齊了解吓啦！
出名長壽嘅日本人研究發現原來一個人喺有餓意後一個鐘頭內唔食嘢，身體就會分泌出一種「長壽基因」嘅物質，可以修復身體損害嘅細胞。研究亦顯示，適當餓肚嘅調查對象，比起另一組經常飽食嘅人，無論係平均壽命同健康指數都高出好多。
至於晚飯方面，中醫同佛教都提倡唔食晚飯，更指「過午不食」，即係中午11點-1點之後就唔再食飯。餓嘅時候就可以飲果汁、食生果。當身體習慣咗你唔食晚餐，胃納亦自然減少，減重就變得更輕鬆容易。除此之外，原來適當地由自己肚餓仲可以令身體器官得到休息，減少過度嘅運作。
現今社會比昔日富裕，不憂吃喝嘅一輩經常大飲大食，唔少疾病例如糖尿病等被稱為「富貴病」，起因都係人放縱飲食。只要適當地約束自己嘅食慾，你就可以健康好多，大家不妨一試吖！
（圖片來源：tumblr）
