雷晴雯懂機會珍貴 姚珏讚賞未敢居功

藝人雷晴雯 (Winnie) 早前獲邀出席由國際著名小提琴大師姚珏及由其所創立的香港弦樂團主辦，民政事務局藝能發展資助計劃「躍進資助」支持的2016-2017第一屆「21世紀青年音樂計劃」最終章，《大師系列-劉韻傑》壓軸演奏會。身為芭蕾舞癡的 Winnie 自小便對柴可夫斯基的作品情有獨鍾，對香港弦樂團在沒有指揮的帶領下能完美完成難度極高的D小調弦樂六重奏，作品70，《佛羅倫斯的回憶》 (弦樂團版) 大表讚嘆，坦言讓她很想企起身鼓掌向台上的一眾演奏家致以深切敬意，但想還想，Winnie 遺憾地表示，就算幾想都好，心裡仍然有所顧慮：「香港觀眾對藝術禮儀嘅認知普遍偏低，每每謝幕時企起身鼓掌都會被後面嘅觀眾鬧，甚至試過俾人粗口問候。頭幾次都會向對方解釋呢種係對表演者高度讚賞嘅國際禮儀，但俾人鬧得多都無癮，宜家唯有舉起筆直嘅雙手代替，其實都真係勁無奈。」

姚珏讚揚雷晴雯真心熱愛藝術，欣賞她為了讓更多人了解不同的藝術而不斷無私付出。

Winnie 於整個『21世紀青年音樂計劃』中幾近全程參與，其真心與熱誠，獲得姚珏及其他多位大師的大力支持及讚揚：「藝術在晴雯心裡就像一團不斷燃燒的火，你會看得出她是心甘情願地為了希望讓更多人了解不同的藝術而不斷付出，除了在她的《舞影藝文》頻道及各網上平台義助宣傳外，過去的日子，更會分別從我們弦樂團的角度及觀眾的角度作多方面思考及構想。她總是很努力地嘗試用不同的方法去改變演奏會、舞蹈表演等藝術演出在大多數人心中那相對比較『離地』的慣性想法，這一點對香港的藝術發展非常重要。如果香港能有多些像晴雯那樣，對藝術如此關心熱愛，願意這樣無私付出的人，對香港藝術界的發展實在會有很大的幫助。」

2016-2017第一屆「21世紀青年音樂計劃」最終章，《大師系列-劉韻傑》壓軸演奏會，(左起)國際著名小提琴大師暨香港弦樂團創辦人兼藝術總監姚珏、雷晴雯、三藩市交響樂團中提琴副首席劉韻傑。

對於姚珏的稱讚Winnie表示衷心感激卻未敢居功：「藝術對我嚟講就等同我生命嘅一部份，我大部份好朋友都係藝術工作者，我自己作為一個演員，深深了解同知道『機會』同『觀眾』對藝術工作者嚟講係幾咁珍貴ｂ同重要，即使再有天份，幾有水準，無人願意俾機會的話，一切努力都無辦法展現，所有努力如同白費，亦係藝術工作者嘅心酸。」

2016-2017第一屆「21世紀青年音樂計劃」完滿結束，八大院校的精英們手持證書與(右起) 香港弦樂團中提琴手關統洋、姚珏、民政事務局Linus、雷晴雯、劉韻傑、香港弦樂團小提琴手林新駿開心合照。
Winnie藝術界好友眾多，故能深深體會每位藝術工作者背後都有著不為人知、有血有汗嘅努力同付出。她感慨說：「我坐喺觀眾席，成日都會聽到好多對藝術界嘅誤解，同埋一啲千奇百怪嘅問題同評價，好多時都會聽到替台上表演緊嘅朋友不值。我深愛藝術，亦愛我嘅朋友，我所做嘅同佢哋從小就要接受嘅艱苦訓練相比根本無得比。以今次『21世紀青年音樂計劃』為例，我深信八大院校嘅精英團都唔會忘記今次珍貴嘅體驗。我自己都希望可以睇到更多更好嘅藝術節目，將心比己，所以做得幾多咪盡做囉，我自己又做得開心嘅，何樂而不為？」

Winnie 坦言過去十多年於藝術界結交到非常多嘅知心好友，即便分隔各地仍常保持連絡，經常互相交流分享，老師前輩經常會同佢分享心得，Winnie 笑言成日都有錢落袋，比起佢所做嘅早就賺突有餘。識諗又知足，難怪國寶級大師姚珏對佢都讚譽有嘉，Winnie以後要繼續努力喇！