經常都話女人係口不對心嘅動物,唔會咩事都直接講出口,反而希望男人會明白自己嘅真正意思。以下就係女人最常同男人講嘅13句說話同背後嘅真正意思,睇完就唔怕以後諗錯格離,或者因為認知錯誤而激嬲女人啦!

1. 「我哋都係做番朋友啦。」

咁樣講其實唔代表女仔真係好想同對方做好朋友,保持緊密聯繫,只係婉轉地拒絕對方,希望對方可以放手。

2. 「我覺得你好好,但係……」

雖然講到對方好好,但咁唔係為咗畀機會佢,而只係等對方好啲落台。

3. 「我而家要走喇。」

聽到女仔講呢句嘅話,你同佢嘅發展睇嚟都係咁先……因為咁係代表女方覺得同你嘅相處好唔舒服,想盡量離開。

4. 「佢好好……」

當女人咁樣形容一個男人,多數代表佢其實唔覺得嗰個人適合同自己拍拖,又或者只係覺得做佢朋友會係件唔錯嘅事。

5. 「你點睇啊?佢可唔可愛?」

呢條問題其實係代表佢諗緊好好再作行動,行前一步同呢個人發展,或者希望朋友可以畀佢認同,鼓勵佢同對方發展。

6. 「我而家未準備好拍拖。」

呢句可謂男女通用,化表住佢唔想同你嘅關係再進一步,拒絕同你拍拖。

7. 「你女朋友真係好幸運。」

呢句嘅真正意思要視乎情況而定,可能代表住佢對你好有好感,又或者係完全相反,提醒緊對方有女朋友,佢唔會介入人哋嘅戀情。

8. 「我今晚唔想落club,想留喺屋企。」

其實女仔咁講代表佢想享受屬於自己嘅時光,唔好諗住夾硬拉佢出門喇!

9. 「我唔想件事行得咁快。」

女仔咁講其實反映緊男人太急進,女方希望了解男仔多啲先,唔希望對方只當隨隨便便地發展關係。

10. 「我無嘢啊。」

雖然有部份女人咁講嘅時候真係覺得okay無事,呢個時候你就要觀察佢哋嘅面部表情喇。如果佢無畀你開心嘅感覺,就即係代表佢絕對唔係無事!一係佢就唔想同你解釋咁多,又或者佢其實已經同你講過,但你就無心裝載。

11. 「唔緊要。」

如果女人唔係笑住講呢句,咁就代表住佢絕對唔覺得嗰件只係小事。

12. 「我哋不如keep住casual嘅關係。」

女人咁講或者代表佢覺得對方嘅外在條件的確好吸引佢,但精神上就始終感覺同自己追求嘅唔一致。

13. 「我有男朋友。」

第一個可能係代表佢想婉拒你嘅追求,第二個可能就係佢希望你唔好再煩住佢。

(圖片來源:The Huffington Post、tumblr)