狗狗玩樂好去處！欣賞美麗日落的下白泥

在香港，欣賞日落美景的好地方，下白泥都幾出名；多年前經常同前男友（即現任相公）間中會去，景色優美但因遠離市區，為左睇日落果個幾鐘專程揸車入去的機會唔多。

原來哩幾年喺下白泥隔離開左間「鴨仔坑士多」，費用全免有一大片草地及餐桌餐椅供途人享用，士多內更可order小食、飲品及餐蛋麵等（士多內嚴禁自攜食物）；去睇日落之前可以早啲到「士多」優閒歇息，場主歡迎帶同狗狗入內玩樂（愛寵主人只要注重環境衞生、負責清理自己狗狗的大小便及不騷擾到其他客人就可以），Mika 玩得好開心；

查看天文台當日的日落時份，由「士多」行出下白泥只需5-8分鐘（我地會提早在日落前30-40分鐘過行下並趁日光時份影下相），

觀賞之後如果係一班朋友可以考慮預早book爐端燒，睇片已經覺得非常豐富，可以食埋先走！

因我地去當日爐端燒被包場，而我地只有兩個人加Mika ，可以食埋碗餐蛋麵先離開（夜晚氣氛都唔錯）。

https://www.facebook.com/%E9%B4%A8%E4%BB%94%E5%9D%91%E5%A3%AB%E5%A4%9A-1109008075791056/

「鴨仔坑士多」的場主本身都有養狗狗，也歡迎預約包場活動更order寵物食品畀愛寵一同享用：

溫馨提示：

建議最好揸車去或者call定車返出黎，因為日落之後係好少機會有的士兜入黎（駕車人士可泊入鴨仔坑士多，日泊$30）

如果沒有帶寵物的人士可選擇搭33號小巴，途經元朗、天水圍西鐵站及流浮山；的士由天水圍開出至下白泥大約$70（通知司機在鴨仔坑士多士或波叔釣魚場落）。