青衣戲棚 - 2017「真君誕」美食巡禮

期待已久一年兩度既青衣戲棚終於開始啦,鐘意掃街既我當然第一時間衝去食返餐勁啦。今次小食及乾貨檔位有116個,但好多都係熟口熟面,所以每年必有既熱門食物如一口牛、燒金蠔、芝士大啡菇等通通放棄,留返個肚試新嘢更有意思。

估不到一開始已有驚喜,芝士控既我一見到有流心芝士乜乜乜,即刻用黎開齋啦,隨便試了個流心芝士炸蝦球同埋四色爆谷炸雞球,非常好味又超多芝士,炸雞球色彩繽紛,影相呃like 一流,閒談期間更得知店主劉生是第一次參加這類美食節,希望佢生意興隆,美食展就係要不斷有新血才有驚喜。

另外必食推介係即原隻燒帶子同燒鮑魚,鮮甜多汁,十分鮮味

牛肉沙嗲串燒雖然不是十分特別,但在這裡所有食物都幾乎要$20以上,$15一串沙嗲顯得定價非常有良心,而且水準亦不錯

青蘋果梳打

美食當前,掛住食好多食物都忘記了名稱,所以不逐一介紹了,大家睇完相有興趣就快啲黎掃街啦,節目去到4月12日就完架啦。

2017青衣戲棚「真君誕」
地址:青衣青綠街球場
日期:2017年4月8日至4月12日
時間:2:30pm-11pm