之前介紹的地方對於港島區的朋友會比較偏遠,所以今次係山頂公園!

山頂公園有2個,1個係由山頂廣場沿鈄路向上行10-15分鐘就到,但果個小公園「柯士甸山遊樂場」係唔接受寵物進入(圖3,第一次去唔知,但管理員都好友善,幸好無被趕走);

再上網搵資料及地圖,第二次就識啦,由「柯士甸山」開始計,步行要差不多20-30分鐘行鈄路(OK鈄架)先見到一間英式建築物,落幾級樓梯就係一片大草地及幾個英式小圓涼亭;右側有個無櫈坐的小圓亭。

沿著旁邊鈄路向上行多10-15分鐘就會見到「嘩」一聲咁靚的歐陸式園地(好難形容,睇相更吸引)。


可以畀狗狗周圍跑也可掟波及野餐。重點係活動空間太大,要留意唔好畀狗仔走失!

好啦!剛才講的係步行方式到達,而家同大家分享下無咁吃力的懶人做法:我地第一次上去容許寵物進入的山頂公園係平日,可以直接揸車到最頂停車場;第二次去係星期日,相公話逢假日私家車封路(我唔confirm)所以我地選擇搭的士上去,點知司機中途話要有禁區紙先入得,我地就只好落車步行多20分鐘先到最終目的地(春秋冬天氣還可,夏天的話全身會好似落完雨咁……)

如果無揸車,回程時就要睇彩數,當日竟然見到有的士駛到最頂泊車位附近(點解之前位司機話唔得架?!)anyway我地可以輕鬆地返出中環,完成旅程~

狗狗溫馨提示:山頂有間雪糕店有狗狗食得的雪糕賣,但我對上一次去已經係2016年2月,希望至今維持經營啦!

P.S.下篇會係西貢區(當然唔止一般遊西貢市咁簡單!)


 狗狗玩樂好去處!浪漫山頂公園

 https://www.facebook.com/j.miaka.blogger