藝人雷晴雯 Winnie 日前獲邀出席著名日本平面藝術家牧佳和莉 Maki Kahori 與日本創作著團體gabriyolly (Masaki Yamazaki山崎正樹 + Maya Shibuya澀谷摩耶) 的 CHOPSTICKS 日本藝術家系列聯展「Find your daily art!」。家有四貓且愛貓如命的 Winnie 坦言對山崎正樹筆下的細佬 Jimmy Boy油畫作品愛不惜手:「山崎嘅每張作品都將佢『細佬』嘅神髓表描繪得非常靈巧,每張作品都清楚展現出 Jimmy Boy 生活中嘅福態,生動又靈巧,可愛到不得了!」

酷愛藝術的 Winnie 笑言自己其實也是一個思維跳躍且愛幻想做夢的人,牧佳和莉的作品正正給予她無限的想像空間:「佳和莉的作品就好像一個童話世界,可以看出無限個可能。尤其與Maki聊天的過程中,大家都可以發揮無窮無盡嘅想像力,就好似走進《愛麗絲夢遊仙境》嘅故事咁,同一件作品,可以睇到非常多新奇又不同嘅角度,可以係魚、可以係飛鳥、亦可以係人嘅面孔,抽象得嚟充滿著童話般嘅趣味、溫暖同生命力,令人越睇越開懷。」

牧佳和莉及gabriyolly都會在PMQ展出更多與生活有關的生活藝術品,展覽當日已被山崎的一套 Jimmy Boy Bikini 吸引得即場大叫「Kawaii」,令兩位設計師也引不住大笑。Winnie坦言這次的文化交流十分珍貴,而最令 Winnie 高興的是Maki於回日本前告訴 Winnie,因為Winnie 的豐富想像力給予她很多新啟發和靈感,Winnie坦言令她受寵若驚,縱然其文化網站《舞影藝文》的確經營得吃力,但能獲如此榮幸謬讚,真係乜都抵返晒!


 【藝文青】雷晴雯出席日本藝術家聯展如夢遊仙境

 https://www.facebook.com/starshk