【裝修佬教路】黐住晒點算好？去除玻璃膠有方法！

（文： 呀J）

玻璃膠係家居裝修維修使用率最高嘅黏膠劑，好多地方都需要用到佢，但係使用玻璃膠裝修房屋或黏接家居器物嘅時候，無論係幾熟手嘅師傅都會有機會唔小心黐到玻璃膠後難以去除，咁應該點樣去清除呢？以下裝修佬話你知。

如果玻璃膠並未固化，可以直接採用水洗方式，當然前提下被沾染玻璃膠嘅物件本身就能夠水洗。 

如果發現時玻璃膠係陶瓷、玻璃、金屬等物品上固化，可以用刀或刀片輕輕刮去，要注意唔好刮花玻璃。或可以用香蕉水(天拿水)或汽油，可以溶於各種有機溶劑，效果唔錯。  

如果玻璃膠係手上而又未固化時，用清水反復沖洗用刷刷一般可以清洗乾淨。如果量多嘅話先用紙擦表面膠體，然後用梳打粉或洗衣粉加少許水，反復揉搓，洗乾淨。或者等玻璃膠溶劑揮發乾後，形成薄膜，然後再撕下來。

如果固化係手上嘅玻璃膠可以使用香蕉水，粘玻璃膠嘅地方倒D香蕉水係上面，用雙手反復搓洗同用刷刷洗。 

如果玻璃膠固化係比較堅硬嘅平面玻璃，只要用刀刮幾下，但是如果是係木制傢俱上，就唔可以用刀刮除，而係用刷刷，如果效果較差，就選擇香蕉水來擦，力度要合適，唔好整壞傢俱。 

用洗甲水，用法同火酒一樣，效果唔錯，因為玻璃膠同指甲油本身嘅性質差唔多，都係屬於黏性較高，固化後唔易清洗類型。

（以上圖片均來自網路，如有任何版權問題，請與本站聯絡）