胡琳昨日(12日)出席「胡琳 x 願望樹 共渡甜蜜情人節」活動,由於新歌反應熱烈,胡琳即席獻唱,更與樂迷玩遊戲。適逢2月10日為胡琳生日,唱片公司高層朱明銳準備「願望樹」盆栽、「金雞擺設」作為生日禮物,希望胡琳來年願望成真、招財進寶,而歌迷亦準備好蛋糕為偶像補祝生日。

胡琳表示滿意新歌「願望樹」成績,在流行榜均已登上三甲位置,期待會更上一層樓:「正日我去咗錄風雲首新歌,生日開工都好開心,希望會年頭忙到年尾!冇大搞生日會喇,遲D先同Fans聚會順便再慶祝喇!今年生日願望就係希望自己歌影視三線都有好發展,咁又大一歲想做D大人會做嘅事,早D成家立室等Daddy媽咪安心!」

被問到男友有何表示,她尷尬笑說:「都冇咩啊,送禮物、簡單食個飯咁囉,因為我都比唔到期佢去慶祝!依家專心排左風雲音樂劇先,之後準備做英文唱片宣傳,下年再開埋個演唱會!」


胡琳笑言現已投入角色,每次綵排都視鄭嘉穎作另一半:「我淨係練歌個時都好投入,一埋位同佢對望都比佢電暈左!而旦哥成日係度引我笑,所以每次去排戲都好期待!」。


 胡琳 x 願望樹 共渡甜蜜情人節

 https://www.facebook.com/starshk