【裝修佬話你知】全天然無毒！消滅蟑螂的10大方法

（文：呀J）

蟑螂呢個名，聼落已經聞風喪膽，佢地無處不在，無論係條街度或屋企都有佢地嘅蹤跡，小强嘅繁殖能力極强，一對德國蟑螂一年就可以繁殖十萬隻後代，係家居棲身及覓食嘅同時，仲會傳播多種病原體，非常棘手。殺曱甴唔使用劍嘅,用啱方法就得啦!究竟係點？裝修佬話你知。

1. 梳打粉加糖 　　 

糖同梳打粉各一半混合係個碗度，擺係蟑螂經常出沒地方便可。 　 

2. 糖水 

揾個空空樽，放3羹糖，加半碗滾水冲開做饵，擺係蟑螂活动嘅地方，蟑螂闻到香甜味後，就会爬入陷阱中。 

3. 芝麻油 

用細口長頸玻璃樽，入面放D香甜食物，樽口塗D芝麻油，因爲樽口太滑，蟑螂就有入無出啦。 

4. 洗衣粉 　　 

洗衣粉係高效誘殺蟑螂嘅藥引，功效勝過一D化學殺蟲劑，將洗衣粉撒係蟑螂可能出沒嘅地方，佢食咗洗衣粉後就會死。 

5. 黏膠 

利用蟑螂鍾意捐窿捐罅嘅習性，用一個紙盒，蓋埋開小小罅位，盒入面塗黏膠，擺啲新鮮麵包碎，等蟑螂鑽入去偷吃而被黐住。 　　  

6. 熱番梘水 　　 

將一舊番梘加入4升熱水度，溶解後直接噴係蟑螂度，可有效殺滅蟑螂。

7. 橙皮、檸檬皮 　　 

將橙皮、檸檬皮曬乾後，放係櫥櫃，唔單止有有淡淡果香作用，仲起到一定嘅防蟑效果。 　

8. 硼沙、麵粉、香油、糖 　　 

將少許硼沙、糖同麵粉混和，然後滴入幾滴香油，攪成一舊，完成後放係紙筒便可。　　 

9. 黃瓜驅蟑螂 

蟑螂驚黃瓜味，可以將新鮮黃瓜放係櫥櫃度，蟑螂就唔敢接近，新鮮黃瓜擺兩三日後再切開，令其繼續散發黃瓜味，驅除蟑螂。 

10. 洋蔥驅蟑螂 

如果係室內放一盤切好嘅洋蔥，蟑螂聞後會立即走夾唔透，同時仲可延緩室內其他食物變質。 

裝修佬溫馨提示 

小强係每個屋企都會出現嘅生物，佢地無處不在，想要從根本上消滅小强，應該清除小强賴以生存嘅環境條件，保持室內清潔，將垃圾及時清理，並將餐具用熱水清洗乾淨，爐灶等地方要定期清潔。小强係雜食性害蟲，耐飢唔耐渴，係屋企滅小强時要封鎖水源，保持室內乾燥，唔好有任何漏水地方，尤其係廚房，食唔曬嘅食物及時要密封，放入雪櫃或密封容器。

(以上圖片均來自網路，如有任何版權問題，請與本站聯絡)