【裝修佬話你知】7大抹玻璃法寶，抹完毫無痕跡！

（文：呀J）

玻璃係日常生活中隨處可見，佢嘅用途廣泛，用於玻璃窗、門、飲料樽等。透明乾淨嘅玻璃俾人好強嘅視覺效果，由於玻璃透明，稍微污糟小小都會好顯眼，影響美觀，所以清潔玻璃嘅事時有發生。唔知你有無發現，玻璃非常有性格，抹完後會留有水印，好難會完全抹得乾淨，認真頭痛。其實想要玻璃抹得無痕跡係有竅門，究竟係點？裝修佬話你知。

1. 白醋 

鏡受潮會出現霧狀嘅霉斑，鏡面一旦出現輕度白斑，可用軟布沾D白醋抹，就可以恢復鏡面光潔。或白醋同清潔劑混合埋一齊抹玻璃，可令門窗明亮一新，用2杯水兌1/4杯白醋，再加上小許清潔劑，裝係噴霧樽噴灑便可。 

2. 洋蔥 

將洋蔥切半，用切面來抹玻璃表面，趁洋蔥汁未幹時，即用乾布抹，玻璃就會非常光。 

3. 舊報紙 

先用舊報紙沾水抹，再用乾報紙抹，既快又乾淨。 

4. 啤酒 

用啤酒抹玻璃，抹完嘅玻璃又乾淨而且又唔易黐灰塵。 

5. 粉筆灰 

將粉筆灰沾水擦係玻璃上，乾後用布抹乾淨，可令玻璃光潔明亮。 

6. 牙膏 

玻璃日久發黑，可用抹布沾牙膏抹，會光亮如新。 

7. 白酒 

玻璃窗上有陳跡或沾有油漬時，將濕布滴少許白酒，你就會發現玻璃光潔明亮。

(以上圖片均來自網路，如有任何版權問題，請與本站聯絡)