電器都會過期？如何判斷+4大危害話你知！

（文：康少）

現時科技發達，不停推陳出新咁發明新嘅家庭電器，為嘅係提高我地嘅生活水平。購買電器嘅時候，你又有無留意呢D電器可以用到幾耐呢？其實，每樣電器都會有一定嘅使用壽命，如果超出使用壽命而繼續使用嘅話，唔單止曬電，仲會存在安全隱患。咁你又識唔識分你嘅電器點為之過期呢？又有咩特征呢？裝修佬話你知。

1. 耗電量增加 

超過安全使用期限嘅家用電器會更加曬電，一般高齡家用電器嘅耗電量會超過原耗電量嘅40%，比如雪櫃係使用10年後，佢嘅耗電量將變成最初使用時嘅2倍，長期使用嘅話，家用電器嘅日常使用耗電量會急劇上升，增加電費開支。 

2. 輻射超出正常範圍 

家用電器係安全使用期內，其輻射相對來講處於安全值，而出期限，輻射值會隨著時間增加而增長，尤其係一啲技術落後嘅舊電器，對人體健康嘅危害更大，其輻射性會高出2~3倍。 

3. 功能減退或者喪失 

家用電器如果超期使用，功能亦大打折扣，比如雪櫃太舊，殺菌同保鮮功能已嚴重退化，可能導致細菌大量繁殖，甚至變質。冷氣使用年限過長，雪種會外漏，唔單止污染環境仲危害人體健康。洗衣機使用時間過長，唔單止衣物洗唔乾淨，仲容易損壞，嚴重時仲會漏電。 

4. 易爆炸起火 

家用電器使用時間過長，內部元件會老化，容易發生短路燒毀元件，甚至引發電器爆炸起火。特別係超過使用期後電視嘅安全隱患會大幅度增加，使用時間超長而又得唔到維護嘅電視機極易發生自燃或爆炸等事故。 

點樣判斷電器是否過期 

冷氣機 

製冷或制熱慢、噪音過大，一開機就噴出塵土，吹出嘅風帶有霉味，甚至流出黑水，過期冷氣唔單止曬電，吹出嘅風仲含有污垢，對人體有害。 

雪櫃 

噪音過大、耗電過大、製冷效果差、運作時震動，過期雪櫃唔單止用電量激增，食物保鮮同殺菌功能退化，而且仲可能發生雪種洩漏、污染環境、危害健康等。 

洗衣機 

噪音過大、洗衫唔乾淨、經常滲水、漏水，嚴重時仲會漏電，過期洗衣機唔單止達唔到清洗衣物嘅效果，仲會浪費水電，嚴重時會漏電傷人，甚至發生爆炸起火嘅惡性事件。 

電視機 

螢幕色彩暗淡、偏色，圖像唔清晰、畫面抖動，過期電視機唔單止用電量同輻射增大，仲有可能發生自燃或爆炸事故。 

熱水器 

運作時聲音異常、有隆隆雜音，開關失靈，安全裝置失效，過期嘅熱水器中嘅微生物同雜質沉澱係熱水器內膽中，影響水質，仲有可能因為漏電造成人身傷害。

(以上圖片均來自網路，如有任何版權問題，請與本站聯絡)