【屬於小朋友嘅年宵】「反」斗年宵玩具市集

話說上年小小豬嚟過玩具“反”斗城參加過「“反”斗合家歡年宵派對」之後，佢一直都對年宵念念不忘(緊係啦..….任玩玩具又可以贏小禮物，絕對係小小豬杯茶呀)，成日都問我幾時再有得去玩年宵。

新年將至，正當我仲擔心今年唔知有冇年宵之際，就收到玩具“反”斗城邀請，所以我地今日又可以去行年宵啦~

今年年宵分別會係三間分店舉行，包括尖沙咀、銅鑼灣及沙田店，大部分嘅年宵攤擋都會以小朋友最鐘意嘅遊戲為主，好似有Hello Kitty、Barbie、Thomas & Friends、大熱嘅「星夢學園」、「妖怪手錶」、新奇好玩的Mattel Games、Hot Wheels、「假面騎士鎧武」等等。

我地今日嚟到尖沙咀分店玩年宵遊戲，都有大約十幾個小攤檔，設有唔同種類嘅玩具及小遊戲俾在場嘅小朋友免費任玩，每個攤檔都好吸引，所以一向有選擇恐懼症嘅小小豬唔知玩咩先呀，不過好在有SY哥哥陪住佢，就跟住去齊齊玩啦！

先嚟文靜少少嘅學下彈新年歌先，小小豬都好似幾專心哦，但...…係屋企練琴又唔見佢咁正經...…哈哈哈~

有得玩就真係咩都唔放過，Barbie都一樣照玩！ 

之後玩返啲男仔遊戲，Thomas配對卡都好易玩呀~

今年比較著重家庭式遊戲，所以幾個攤檔都係以家庭式遊戲為主，多啲介紹都好，可以多多推廣親子樂嘛~

R2D2嘅威力都真係幾大，兩個小男生企定定玩左好耐呀~

仲去玩泥膠，佢地一齊整便當，玩得不知幾投入~

男孩子總係要玩啲男仔嘢，依個超人遊戲小小豬就真係唔識，所以就要SY哥哥教佢啦~

但原來用嚟扮超人都幾有型呀~

車控豬又點可以唔玩車，依個最新HOTWHEELS組合不知幾啱小小豬口味，仲叫我買返屋企添。好....等佢儲夠乖仔印先啦~

最後依個鯊魚小遊戲就玩得最多次，除左好刺激之外，仲因為成功釣到寶物就可以有糖糖食呀~

玩完年宵就見到Geoffrey出嚟，同一班小朋友玩遊戲又送小揮春，玩得好開心呢~

Geoffrey離開之後，我就見到好多Hatchimals Egg，原來一直缺貨好耐嘅蛋蛋已經返左貨，小小豬不停介紹俾SY哥哥聽有幾好玩~

想知點解小小豬咁強列推介，可以參考下小小豬如何成為一名鳥爸啦……哈哈哈！

真係唔係講笑，小小豬只係玩年宵攤擋都有咁多小禮物，唔怪之得佢玩到唔願走啦！

嚟緊年廿八至三十都會舉行「反」斗年宵玩具市集，如果大家係嚟緊仲有兩日活動可以帶小朋友去行一轉年宵市集，玩遊戲贏小禮物，過一個開心嘅新年啦！

More Information :
「“反”斗年宵玩具巿集」
日期： 1月25日至27日(年廿八至三十)
時間︰ 晚上6時至10時
地點︰ 尖沙咀店 (地址：尖沙咀海運大廈地下 OTG23 號舖)
銅鑼灣店 (地址：銅鑼灣皇室堡 7 字樓舖)
沙田店 (地址：沙田新城市廣場第 3 期 1 樓 A198-A199 號舖)