【裝修佬話你知】清洗浴屏的5大技巧

（文： 呀J）

現時大多數朋友係裝修廁所嘅時候都會選擇浴屏，浴屏高檔大方，防水性能好，仲可以將廁所做乾濕分區，從而減少沐浴後嘅潮濕程度。但浴屏用嘅時間耐咗，就會有一層污漬係玻璃嘅表面，影響美觀，認真頭痛，以下裝修佬話同大家分享浴屏嘅清洗技巧。

積垢 

經過長時間累積而形成嘅污垢，可以將鹽同醋混合，噴係玻璃上便可。或者可以用牙膏清理，先將牙膏抹係玻璃門上，用牙刷刷一次，然後用暖水沖洗，注意溫度唔可以太高亦唔可以太低。 

黃色水漬 

黃色水漬可以用玻璃清潔劑，係乾抹布噴清潔劑，然後抹玻璃表面，要留意唔好將清潔劑整到五金配件上面，否則會腐蝕。 

浮水印 

光滑嘅玻璃面、窗，長期置於空氣當中，同水長時間接觸，玻璃嘅表面會蒙上浮水印。可以用噴霧式清潔劑，首先噴係玻璃上面，然後用擰乾嘅抹布，順著一個方向抹，或者可用舊報紙擦，紙上嘅油墨可以令玻璃光亮，仲可以將頑固污垢一齊抹走。 

玻璃門防滲防霉 

為咗保持浴屏玻璃門清潔亮麗，可以用多功能去污膏清潔，至於空隙，可以用舊牙刷清理，先係牙刷上沾小許去污膏，再係空隙處用毛筆上一道防水劑即可，咁樣唔單止可以防滲，仲可以防霉生菌。 

廢舊報紙巧利用 

先用濕抹布，將玻璃表面灰塵抹走，或用玻璃擦抹完後，再用報紙抹，玻璃就會非常明亮潔淨，而且仲唔會留下水痕。

（以上圖片均來自網路，如有任何版權問題，請與本站聯絡）