【裝修佬話你知】實木家具有刮痕？教你修補妙招！

（文：康少）

實木家具天然環保、手感舒適、使用壽命長等好處，收到眾多消費者歡迎，實木家具雖好，但日常生活中就算幾愛護都難免會出現刮傷、碰撞，留低難睇嘅刮痕，雖然唔影響使用，但影響美觀，令人頭痛。

以下裝修佬同大家分享實木家具嘅修復技巧，一齊去文！

處理啱被劃花嘅痕跡，或想遮掩細小劃痕，可以用攪碎嘅核桃或堅果果肉，沿劃痕摩擦，果肉中嘅油會令擦傷劃痕變暗，而且望落平滑有光澤。 

對於一兩條較深嘅刮痕，傢俱修補蠟效果唔錯，一般五金鋪有賣。選擇同漆面相配修補蠟，緊壓係刮痕摩擦，以產生足夠嘅壓力令劃痕塗滿蠟，用薄膠卡片剔除多餘嘅蠟，風乾然後用軟布打磨。 

細刮痕可用檸檬汁滴係刮痕處，停留一陣用浸過熱水嘅軟布打磨，即可恢復，檸檬汁嘅酸性同木質結合，將凹落去嘅木質凸顯出來。 如果淺色實木傢俱，可用蠟來修復，先將蠟刮成粉粒狀然後均勻塗係刮痕處，之後加熱，等蠟充分融化，然後處理多餘嘅蠟，等蠟慢慢冷卻便可。 

木質傢俱漆面擦傷，未觸及漆下木質，可用同傢俱顏色一致嘅蠟筆或顏料，係傢俱刮痕處塗抹，覆蓋外露嘅底色，然後用透明指甲油薄薄咁擦一層即可。 

嚴重刮傷嘅表面應重新上漆，只需對刮傷位置油便可，然後用畫筆將油性著色劑沿劃痕塗抹，過15分鐘後抹除，如有必要，可以重油多次，直到劃痕同木料其餘部分相配為止，最後用細砂紙輕輕打磨光滑。

(以上圖片均來自網路，如有任何版權問題，請與本站聯絡)