去冒險樂園都唔一定係得個玩字,原來依家都仲可以學到嘢,可以學做一個都市小農夫,落手落腳由播種開始,了解水種植體驗,之後又可以自家設計盤景,好豐富嘅活動。

Picture

坦白講,當我收到冒險樂園邀請時,我都有一個玩玩下嘅心態,可能冒險樂園玩樂形像太深入民心了。不過一嚟到,睇到一切佈置,加埋導師姐姐嘅講解,我嘅想法就開始改變,原來「都市小農夫」係一個好認真嘅活動嚟呀!

由於我地需要進入一個24小時監控環境去體驗科技水耕種植,所以所有進入種植室嘅大小朋友都要穿上鞋套,著好一身裝備先可以入去呀~

Picture

當然一定要先洗手,唔可以染污房間入面嘅所有植物嘛。

Picture

絕對唔可以睇少種植室嘅保安系統,一定要有小農夫護照拍卡先可以入去呀。

Picture

最後就係要經過無塵室吹走身上灰塵,先可以正式入去種植室,所以話真係好認真照顧種植室嘅各大小植物。

Picture

一入到種植室已經見到導師姐姐為我地準備嘅工具。

Picture

當然各位小朋友就要先乖乖聽姐姐講解,學做一個稱職小農夫。其實整個課程原本係分三節,不過因為我地今日係體驗活動,所以就濃縮左啲課程(雖然係濃縮左,不過小小豬所體驗嘅都係一樣呀)。

Picture

第一個所學到嘅就係利用顯微鏡觀察不同植物特徵,導師姐姐會利用簡單嘅問題方式,等小朋友可以從遊戲中學習植物知識。

Picture

小小豬都係第一次接觸顯微鏡,佢感覺都係好新奇,不停拎啲植物標本嚟睇呀。

PicturePicture

認識左啲植物特徵,就正式開始做小農夫工作了,第一步就係為啲種子BB洗白白啦。

Picture

先用清水洗白白,然後就可以倒入試管,因為要帶啲種子BB去超微波震洗機啦~ 

Picture

依個步驟大約就15分鐘,整個過程都係震洗般,以叫醒等BB種子同時,又可以震走面層嘅物質,大大更加種子BB發芽機會呀~

Picture

係依個時候,各位小朋友就跟住導師姐姐去參觀種植室,了解水種植嘅原理~
Picture

唔好以為水種就一定唔弱,睇下佢啲根就知啲值物係係幾強莊啦~
Picture

Picture

各位小朋友一見到啲根都好似好新奇咁,好攪笑呀~
Picture

水種植一樣都可以有又靚又健康嘅值物呀~
Picture

Picture

場內仲有一啲儀器幫助種子發芽同生長添~
Picture

Picture

原來唔同光嘅顏色對值物都有唔同反應,好似想值物莊啲就可以去照紅燈,想高啲就可以照藍燈(希望我冇記錯啦....哈哈哈)~
Picture

說時遲那時快,15分鐘時間就好快過,可以去接返啲種子BB啦~
Picture

將洗白白左種子慢慢夾去小碟子內~
Picture

Picture

Picture

然後就可以將碟子放入光學儀器內等待發芽啦~
Picture

Picture

一般都需要等大約三星期先會發芽,當然因為時間關係,導師亦已經為我地準備左已經發芽的種子進行下一步驟啦~

之後我地就需要將種子的根放入棉花內,就好似當係泥土般等啲種子繼續生長,變成一棵小植物~

依個步驟一定要小心,因為一傷到根部,植物就未必可以生長健康。小小豬都算合格,兩棵種子都安全放入棉花內~

水種植物嘅水都唔係普通水,係需要有固定嘅營養同埋酸鹼度,咁先可以令植物生得肥肥白白呀~
Picture

Picture

導師準備好個泥土(即係水),之後就可以帶種子嚟個新住所,慢慢生長啦~

Picture

依個時候基本上課堂都差唔多,導師再同小朋友重溫種植技巧,就可以蓋印仔畢業啦~
Picture

當然唔少得畢業証書啦~
Picture

原課程係可以係三星期後將自己嘅小植物帶回家繼續栽培,不過今日我地就將自己洗白白嘅種子BB帶返屋企繼續種啦~

導師又繼續教小朋友泥種嘅技巧~

Picture

大家都好努力為自己嘅小種子建立安樂窩~
Picture

終於完成啦,希望好快就可以見到小種子出芽啦~

Picture

好玩嘅節目當然未完,之後我地就去整DIY盆景。有好多唔同嘅佈置同植物,真係花多眼亂唔識揀添~

Picture

小小豬就揀好所需要嘅材料之後,店員姊姊好有耐性咁慢慢教佢點樣設計自己嘅盆景~

Picture

看似好努力嘅小小豬,其實都帶點論盡,整到成張枱都係泥....唉~
Picture

好在有姐姐出手,都算係完成啦~

而且都整得幾靚,好有聖誕氣氛呢~
Picture

難得三口子齊齊去玩,當然唔少得影返張合照,我真係發覺依家影三口子嘅機會少左好多,所以一有機會我就一定唔放過....哈哈哈~
Picture

小小豬自己就好鍾意玩,佢話可以學到點樣種植,佢仲成日要求我帶佢再嚟探下佢親手種植嘅小植物添!

不過其實又唔止小小豬,我地兩個都覺得依個活動又真係唔錯,既可以教小朋友種植技巧,等佢地了解多啲植物嘅特性,又可以培養佢地愛護同照顧植物,所以話都幾有意義。再加上價錢又唔貴,整個課程共三堂,都只三百蚊.....抵玩啦!


 【樂做一個小農夫】親子活動!邊玩邊學,了解水種植體驗

 https://www.facebook.com/kinseymama