東港城的船梨精

其實上星期搵路去上堂時都已經見到，當時都已經勁想影，不過因為趕住去上堂，所以冇行去影。今日我地早左入將軍澳，所以就可以搵船梨精玩啦~

依個傻豬仔都係第一次見船梨精，估佢唔到咁興奮哦，當然啦...有得玩佢又點會唔開心呢~

俾小小豬行/玩左一個圈之後，就捉佢同我影相啦~

聖誕將至，今日仲有聖誕老人嚟同我地影相呀~

小小豬又話要做攝影師幫我地影相，估佢唔到又影得幾靚哦~

小小豬拍攝技巧好似有進步左少少，起碼都叫做識得影到啲人物及公仔，睇嚟下次再有需要時可以搵佢幫我同大肥豬影返多啲相啦！(不過....我地係鐘意同小小豬一齊影相多啲啲...哈哈哈)